萬事得 MX-5 Roadster RS-II (NB) | 1839cc | MT 6-speed | 00/02 | 3手 | 已過９萬公里

從來都冇諗過，自己會花錢買多部 2nd car！

部 BJ 性能唔錯，抬 SVT 之後更加有改善，佢絕對可以跑甩好多同級車。
不過，無論點樣谷部車，BJ 始終係一部 1500cc 車，而且平日作為腳車，過多改裝只有產生更多問題，得到嘅反而唔多。
４月份開始，我突然想擁有一部真正跑車。正確來講，係想學玩尾轆車，一步要有操控，又輕巧又跑得嘅尾轆跑車。

起初真係有啲不自量力，上 28car 睇 Lotus Elise/Exige，加入網上 Lotus club 嘅 forum。
了解過之後，我知道我冇可能買得起，更加玩唔起。同好朋友傾過，竟提醒咗我，
除咗 Lotus，仲有更好更經濟嘅選擇，一步我都好鍾意嘅車，點解我會諗唔起呢？

好巧合，28car 上面，佢已經由 08 年 4 月一直等佢新車主。
紅色，本來都唔係我可接受嘅顏色，而且已經冇牌費，又要驗車，不過佢嘅 specification 實在令我去認真考慮：
RS-II Special edition，1839cc 有 SVT，LSD，６速手波，有防滾架，包圍，不過四隻腳同引擎極原裝，價錢又好合理。
後來安排見過真身，又安排過上架後，思前想後，呢部車應該可遇不可求，如果唔買，會唔會後悔呢？

我會後悔。Mazda Roadster 係世上最 best selling 嘅 2-seater，仲要係水貨 RS，一定唔會買錯，去啦！