０９年６月２日，四條又平又舊避震彈弓 -- fotop.net photo sharing network

某日早上同５仔朋友早車食過早餐之後，好奇之下跟其中一個會友去錦田永恆八掛。

本來冇打算買零件，點知自己口多多問間鋪有冇適合NB8C避震，佢就拿一套聲稱係Mazdaspeed避震彈弓出來，

全套只係八舊水，仲有２６級軟硬調較，真係超抵！雖然幾殘舊，不過試過其中兩支避震芯冇問題，成交。

下午去長毛處，佢面上好明顯有懷疑係咪Mazdaspeed避震。事實上，又真係冇Mazdaspeed個字，同佢所形容有出入。

我望住套殘舊避震，不禁都有點懷疑自己買了什麼。雖然真係冇牌子，不過避震芯上面又真係刻了個model number，

上面字頭又真係NB8C。至少係呢部車，始終都真係一套彈弓避震，而且仲有２６級調較，就算俾人老點係Mazdaspeed，

八舊水玩玩都算啦，只有怪自己衰心急，冇事前做足功課．．．

原來雙搖臂換避震真係幾麻煩，睇住長毛整車又學到o野！

到安裝當晚，發現避震上面o既bushing同boot上面有"Tein"字樣。

嘩，咁低？死啦，出乎意料之外．．．

長毛仲話未算好低，點知佢駛架車出車房門口時都有少少刮底，後尾就改口：「真係低o左o的．．．」！

不過唔換又唔會知道咁低，希望入到停車場啦。

試車。起初四支避震都順時針去到最盡（當時都唔知邊邊軟硬），駛過不平路面好多避震運動聲，行高速時經過不平路面又好跳，

或者呢個就係最硬設定，好唔舒服亦唔易控制。後來較到最軟，原來同原裝差不多，都好舒服。

最後選擇了中間設定，試走一段時期，有問題再調較。至於車身高度，雖然低，但係又冇出現其他刮頭刮底問題。

之後我上網search呢支避震model number，竟然咩都搵唔到，上Tein網頁又搵唔到呢支避震資料，真係古怪，可能太舊款。