就連Ｘ華九龍德褔分行個女 supervisor 都咁樣問我，嗰度冇陽光海灘，冇大商場．．．但係自由行清邁資料係响Ｘ華度攞，佢係咪有啲問題？

我同老婆只有一個大前題，就係 relax！邊度最 relax？人人都會有唔同答案，而好似我地咁少去旅行更加答唔出啦。有日行過 OK 門口，老婆見有本旅遊雜誌個封面有張好靚嘅相，標題有好大隻字寫住「清邁」．．．清邁？聽過個名，但係好少朋友去過，好似喺泰國．．．以上就係我地去清邁前所知嘅嘢～

詳細睇過內容，對清邁有啲好初步了解，先係對呢個地方有好感，再上網睇過更多其他資料同好多 resort 嘅介紹，就發現清邁其實有好多外國遊客去過，啲 resort 仲好靚，啲 spa 好出名，地方好清靜，民風都好純樸，係一個休息嘅好地方。我地就咁就決定，去清邁！

第一次玩 package 去旅行，以前以為會係日本，估唔到會係清邁。

The Chedi Chiang Mai Hotel

我相信玩過 package 都感受過選擇落腳點嘅難度！

清邁係泰國第二大城市，有好多 resort，有三星至六星，離舊城同市區有近嘅好方便不過地方較細，有遠一啲交通冇咁方便但係地方好大，比較新同埋好接近大自然。難得有時間去旅行，好想對自己同老婆好啲，所以酒店設備一定要完善，但又唔想不切實際咁掉錢，所以鎖定要五星。The Chedi 係五星，位於 Mae Ping River 河邊離開舊城同市區比較清靜，但係行路入舊城市區只要大約十分鐘路程，途中仲會經過全泰國最大嘅清邁 Night Bazaar，位置好好！The Chedi 又比較新，又好靚，上網同睇書都有比較，The Chedi 都係頭三名之內．．．就係咁樣，決定。

想睇官方網頁介紹，可以 click 入 GHM，裡面有 The Chedi Chiang Mai 嘅資料。

去後感受

係我去過嘅旅行之中最舒服，最 relax 嘅一次！唔排除係因為 package 之原故所以咁 relax，不過未試過有咁好嘅服務態度（無論酒店，商店，餐廳定係 tuk tuk 個司機），當地人好純樸好友善！清邁雖然係泰國前首都（以前唔係曼谷），亦係第二大城市，但係唔會感受到曼谷嘅繁亂，冇咁物質主意，入面與世無爭，治安穩定（當時曼谷好亂），自由自在，賓至如歸！有機會再去行多啲，睇多啲！

向清邁出發
到達 The Chedi Chiang Mai Hotel
The Chedi 酒店房相集
第一個 spa @ Let's Relax
晚餐於 The Chedi Restaurant

未吃的生日蛋糕
Private Local Tour
晚餐於 Le Cog d'or 食法國餐

早餐於 The Chedi Restaurant
The Chedi Hotel 相集
下午茶於 The Chedi
The Spa
晚餐於 The Gallery（冇相～）

早餐於 The Chedi Restaurant
往舊城找找幾間商鋪（冇相）
找尋可以食的手信（冇相）
又要回家了．．．