哩日係星期日，因為前兩晚都微微雨...天氣麻麻地，一朝早起身梳洗，到又一城等 阿K，之後由小威渣車到南生圍。除左我之外，仲有一個女仔叫 阿 Rae，可能太早既關係，佢差唔多係車入面全程都睏覺..我就係度聽小威，Hector 同 阿K 傾偈。

哩次係我第一次去南生圍，如果無車的話真係好辛苦，山長水遠...平時見啲 model 成日都會係南生圍影相，啲境影得好靚，但實際上，給我的感覺只是一般。唔知點解，我一路行一路係度諗，我好似係度做緊旅遊特輯咁。< 尋找他鄉的故事 >.. 影到一半，小威佢地撞到班志同道合呀，係影會搞既，佢地仲發現原本話唔得閒既 Felix 居然係哩個影會出現...哈哈，Felix，好耐無見喇...你好似欠人地好多相未執喎，仲周圍去影相﹗