30/04/07　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　禽日踩完單車喺大埔買咗幾個菠蘿皮蛋糕，好巧味呀... 大家下次去開記得買黎試吓呀，10蚊有5個架。　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　今日返工都係渾渾噩噩，野就做咗唔少，但都似乎仲好似放緊假咁款...

29/04/07　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　常常為拯救地球而奔波勞碌嘅超人有新戰車啦，有14種音效警號，有後方監視器（不過仍是黑白版本），有超過30個喇叭，有4台風扇（未知是否要用來加速時使用），有雷射閃燈無數盞，超型爆呀∼∼∼ 佢唔只充滿正義，仲好有愛心，歡迎任何人同佢影相，仲好大方咁講解佢架精密無敵有型嘅新戰車，真係地球嘅救星，人類嘅好朋友呀。可能我太回味遇見超人先生這一幕，搞到我炒車炒到飛起（而家啲車個頭迫力真勁，輕輕掂一吓就黎一招神龍擺尾）好彩只係個地下比我雙手打陷咗少少... 哈哈哈，同行19個人中就有個姓周人稱姨嘅朋友就慘囉，炒2次車，雙膝撞到爆哂，手掌亦多處受傷... 好在花容冇損，實在恭喜哂。

28/04/07　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　今日同攝影新丁去香港嗰邊影相，先去勵德邨，再過前虎豹別墅，再去深水灣嘆個下午茶，點知中咗獎，詳情請睇相，吹漲之餘都廢事煩就走咗，唉∼ 攝影新丁唔安慰仲笑鬼我，乜我好funny咩？跟住去西營盤再去西環影日落，行程好緊湊呢

27/04/07　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　今晚去咗聽個講座”無情地　有情天......”雖然好鬼眼瞓，但因為啲講師好鬼鬼馬，搞到我釣魚不成反而好投入去聽，內容都係來來去去咁A餐呀B餐呀常餐呀，都係要用多啲愛呀多啲關心呀咁上下囉。　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　之後去咗食自助餐，唉∼ 陰公，好多野都唔敢食，蝕本啦，三文魚啦（其實食咗幾舊），蟹啦... 好慘呀，其實我又唔係貪食嘅人，但成日要諗咩食得咩唔食得就煩死我，我難揀野食啫，其實我尿酸都唔係高好多啫，點解要戒口戒成咁呢... 天憐我呀...

26/04/07　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　我頂.......... 唔順啦，大佬... 你慢吞吞好似食咗成担豬油咁款，叫我點等你呀，我仲有幾十激相要執架，你準備退休啦...

25/04/07　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　超貴LEGO電單車仔，係我嘅新成員

24/04/07　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　山腰雲，請大家望真啲，阿sir話咁先影得座山靚喎，即係要影天空之城LAPUTA啦

23/04/07　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　今日同女朋友去食松記糖水，好大食呀...我，芝麻豆腐花加六寶湯圓，正呀... 仲外賣買咗2盒榴槤班戟同楊枝甘露，都只係90大元... 抵食又好食呀

22/04/07　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　媽媽又抽到碧桂園啦...

21/04/07　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　今日又出動去影朋友家姐婚宴，幾好玩。2.8光圈嘅小白係好玩啲喎（多謝小白兔相借）　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　哩張相係經過新世界時影嘅甚麼花面貓... 又好似係花臉咩比賽... 定俏臉塗鴉.... 唔知咩比賽，唔知有冇你份呢？不過好似張張都一樣，都係畫啲花咁上下，冇啲新意