20070731　　　　　　　　　　老友出動,想套料但天不時,地不利,人不和,泡湯了,只可算是小聚吧　　　　　　　　　　 帥輝...下次約人要講清楚只歡迎男賓呀

20070730　　　　　　　　　　媽媽的退休禮物

20070729　　　　　　　　　　今日出席咗女朋友教會嘅崇拜,再參加伯母嘅浸禮,仲做埋大會攝影,有趣...有趣...有趣...... 下午又咗?敦道一間教堂參觀,差啲仲想去加入敬拜添,不過只係喺教堂外走?圈就去九公打雀, 不過我已?冇晒精力,只可以做影童幫手攞野換鏡....哈哈影完一?又同?伯伯母打?爐,之後又去海旁睇夜景影咗幾?相全日行程緊?又精彩,件黑色裇衫仲多咗好多白色野呀......好多鹽呀

20070728　　　　　　　　　　今日下午放工去咗何洪記食碗超貴超袖珍雲吞,食完好似冇食過咁,之後去咗宜家行咗一粒鐘再幫襯咗20零蚊野食填肚,有熱狗,可樂,西瓜汁(帶走),瑞士朱古力蛋糕,食到個肚差啲爆開就揸車入石澳等阿源佢地去影相,因為早到就喺酒吧叫咗支啤酒解渴解悶...影咗2個鐘到就走人,當中發生咗個小插曲,話說阿周不嬲好鍾意就地取材,佢執咗張梳化比model用,之後仲搬去老遠地方再影,其間隱約聽到有人話咁好力搬咁遠...張櫈要架...釣魚.....但我就完全冇理會,當我去到目的地放低張野時,"波"一聲就爛咗隻櫈腳,到我埋位影相時,有3個人就不停講話張櫈係佢嘅,而家點搞...咁我當然就耍佢地扮晒唔知,賴吓皮...仲以為係垃圾,事實又真係垃圾喎,講咗好耐,足之佢地話要我用完搬返過去,咁我當然即刻應承啦...easy job 啦......最後好似係搬咗去附近掉低就走咗。6:30又去咗APM參加PETER男子組睇戲食飯,(Simpson家族多咗個傻婆成員...)變形金綱真係幾好睇,不過變形部份就差啲啦,都睇唔到佢地變形嘅...返屋企自己攞隻掃把佬變吓好過

20070727　　　　　　　　　　這是我個銀包呀

20070726　　　　　　　　　　今晚係媽媽喺廣華榮休嘅日子,有幸成為攝影師幫手拍照留念,睇見個個4~5~60歲仲係玩到癲哂,11點幾仲唔肯走,反而我就有啲眼瞓,不過睇見媽媽咁多好同事又真係鄧佢開心嘅,我仲被佢地地屈我唱歌呀,令得媽媽好開心呢,因為我唱得好啦...*

20070725　　　　　　　　　　今日被師母婉菁力邀去佢屋企食晚飯,都好似好耐冇去過啦,所以特別抽空出席,仲買咗8個蘋果6個水蜜桃(係我自己想食嘅)上去,上到去依然係客,整間屋充滿音樂感覺,飯前傾卟音樂,飯時聽吓音樂,飯後當然係唱歌啦,音樂老師係唔同啲,最可惜係冇婉菁撚手豆腐花供應,傳聞每次上去譚家必食豆腐花...*

20070724　　　　　　　　　　那星人俱樂部--從不團結，甚至經常互相數臭、猜忌、恥笑...... 但係，我地打從心底裹都知道，大家都需要對方在身邊......這是真的...

20070723　　　　　　　　　　我本人本來本算大食,但...原來天外有天,人外有人,今日lunch叫了2個大pizza返黎3個人食,1人分5件仲淨1件,但我食咗4件就宣佈放棄留作下午茶享用...隔離兩位人兄居然面不改容連食5件仲快過我食4件,痴線架...**

20070722　　　　　　　　　　這是火柴,不能吃的......KAM姐...我實在好對你唔住呀,請你原諒我啦...事源今日老大由捷克返來,帶咗啲小手信比大家,而我就幫手派,好奇的牧幼人個個都問該小手信是甚麼,以我哩亭富創意又鬼馬的人就順口答佢地係朱古力,可能我平日給人的印象是可靠而忠誠,於是KAM姐就拿起一支火柴放入口,就算我擁有光速的身手都阻止不來,唯有出口喝止,及送上......10句對不起,這個故事給大家有何教訓呢,不要輕易相信別人?不要貪玩?不要送手信?講開KAM姐,其實都想補張飛,平時崇拜時候我很討厭有人"事事沙沙"或走出走入,但我一日,有個姊妹咳得利害,我因要做Control Panel而不能上樓去拿杯水給她,正當我疑間就見到KAM姐行出去,這就是我很討厭的事,但...轉頭見KAM姐攞著杯水送給該咳的人,我好欣賞你呀...KAM姐...這個故事給大家有何教訓呢,我黎答:每個人做事都有其目的,不要胡亂以自己的有限智慧去猜測對方無限可能的行動...*