| christineccy :: 墨汁仔 (已找到愛心主人) | |
|
yeah!!!!!!!!!! ^0^ 終於知道墨汁仔下落啦)))))))))) 之前唔見左佢, 真係好唔開心, 好後悔無帶佢入屋, 個心好痛... 等我寫詳細d先^^ 話說6月中, 無啦啦屋企門外有隻黑色貓咪出現? 唔知佢係邊度黎, 亦唔知有無人養既 之後幾日, 貓咪都係我門外, 天台, 行黎行去 好似無人理佢咁, 又好似好肚餓喎, 所以我就俾野佢食 就係咁, 開始每日餵佢食野, 佢好乖架, 我一打開門, 大叫兩聲, 佢就飛身跑出黎^0^ 好攪笑^^ 不知不覺, 餵左佢兩個月, 感情亦日日加深, 我試過帶佢入屋, 但因為屋內有隻惡霸(我養o既肥貓) , 惡霸唔俾佢入屋, 墨汁仔亦唔敢行近, 所以, 只可以慢慢黎, 每日打開門, 俾佢地格住度門見下面, 本來惡霸都開始無對墨汁仔咁惡, 8月13號 上午餵完佢食野 下午兩點幾再叫下佢, 就已經無出現 先前仲以為佢訓左教, 唔理我, 所以都無去搵佢 再到夜晚10點幾, 再叫佢, 都無出現.... 果時就開始有d擔心.... 到第日朝早, 上天台搵佢, 搵黎搵去, 叫黎叫去 都無出現, 好驚, 喊左出黎.... 過左兩日, 忍唔住, 去管理處問, 問下係咪俾人捉走左? 因為我知有人投訴過, 但管理員話唔知, 我再問落去 佢就話 ( 唔係我捉走, 因為貓貓一見到我就走 , 根本捉唔到 ) 我諗諗下又係, 因為墨汁仔好醒目, 見到其他人佢會即走, 根本好難捉佢, 除非係餵開佢食野既人, 佢先會乖乖咁行出黎 所以, 我估可能係另一個"餵貓者" 帶走左佢 為左証實, 同埋希望知道貓貓下落 我就寫左張紙條, 貼左係天台, 希望帶走貓貓既好心人會回覆我 結果, 等左兩個星期, 好心人終於有回覆啦^^ 好心人寫 : 覺得貓貓好可憐, 所以幫佢搵左戶好人家, 而家住係堔水步, 仲叫我放心^^ 祝願 墨汁仔 日日食飽飽 晚晚訓教教 |
Last changed: Jul 10, 2009
5 items in this album |
 |
[Menu]  |
|
|
|
|
|
|
|
|
||||||||
|
|
|
| ||||||||||||||||||||||||||||||||||||
| |||||||||||||||||||||||||||||||||||||||
| [leave message] [email album] | ||
|
| ||
|
|
|
||||||||