講左咁耐終於係2日1日年初ヒ帶左小豬b過大海玩下,同行既仲有婆婆和海堤家姐,我地訂左傳聞好靚好大既威尼斯人酒店,要成２仟幾蚊一晚,覺都幾貴架,不過第一次帶呢個小豬b出外旅行,住靚d都要既,想佢玩得舒服d,開心d

第一次坐船既豬b,都好開心,周圍郁,而媽咪一上船已經暈舵舵喇,仲以為佢唔會好似媽咪咁暈船浪添,點知回程時,又嘔又哭,攪到媽咪心都痛埋,仲心諗下次去澳門要坐直升機去先得喇

去到威尼斯人感覺呢間酒店真很大很多人,要排成個鐘先check in到,可能新年假期的關係吧,但我地既猪b一入到酒店房就超級開心呢,係咁跑來跑去,縱使佢仲未午睡,已經好倦了

呢到d房又大又靚嫁

猪b係咁跑來跑去,完全唔肯停低食野同訓覺,見佢咁開心,都由得佢跑,但因為洗手間門口冇地毯既,怕佢跌親,就諗左個咁既辦法,豬b好無奈

唯有轉到梯級度爬上爬落

又係客廳度玩一大輪

豬b:等我打個電話返香港俾晴晴先

到左夜晚8點幾豬b訓左一覺,我地先可一齊落酒店行下同食野,呢到好似室外,其實係室內黎架

個天空係假的,好特別呢

坐低食d野先,唉,豬b係出面食野都食得很少,只係一.兩啖,,呢個都係出去玩既一個難題,係屋企食野雖然都唔算多,但有媽咪一担心機煲既,加上媽咪又唉又探,總算好d啦

食左野行街街,見有d凍,就用2佰幾蚊買左呢件摟仔俾豬b