新年前既離家出走 (講笑? 你覺得呢~~~~), 呢幾日真系好凍 (可能全年最凍系呢幾日添啊....), 入到來雲南就更加凍......

         真系好好運, 因為連續幾日大雪既關繫, 入瀘沽湖既山路封路(聽講d雪有成呎厚, 我中途落過車, d雪最深來到我膝頭哥, 幾多cm我就唔知啦..你話幾深就幾深啦,...) 我應該封路後既第一批入去既人( 你話系咪好好運啦...哈哈...) d路好多都系一邊峭壁, 另一邊就系懸崖, 而且路面好多都結曬冰, 真真正正既彎多路窄(甘都唔死得, 仲平安返來..好運啦呱..問你服未...哈哈哈~~~~~), 入到來真系有少少世外桃源既感覺 (朝早9點出發, 入到來成6點幾7點, 甘山卡啦,,仲唔係世外桃源....) .  真系好優靜, 坐系岸邊聽下湖水拍岸聲, 真系好正, 連個心都好難得甘平靜落來, 平時係石屎森林放極都放唔低壓力同煩惱一下子就唔知去左邊.真系好正, 成個人都輕鬆曬甘(真係系度住過世都願啊....諗下好啦,,,,~~~), 真系好難得有甘正既地方, so連續兩日做下傻仔-晨7甘早一個人走去等日出......

講真, 今次真系一次難得既 休養心靈之旅.....