到左第三日既行程~ 今日如常七點半起身~ 攪掂即刻出發, 今日要去既地方就係   "京都   TYOTO"  我地搭左JR大約半個鐘多D就到左, 是日主要觀光既地方就係去一直都好想去既清水寺~ 聽果度求姻緣好得嫁喎, 咁我就梗係唔好執書求返個玩下啦~ 係我地搭完JR之後要轉巴士先到得到清水寺, 落巴士後行左一段都幾長下既路~ 途中民居風景好靚, 不過條路真係幾長下....感覺就好似叫你係烈日當空之中叫你行澳門大三巴四五次咁長 haha     上到去見到好多人呀....因為而家係秋天啦....日本既金秋係好靚嫁~ 好多學校都拉大隊出黎旅行, 人山人海.....咁就自然多學生哥...同埋妹嫁啦~ hee hee   我都有同佢地影過相嫁~ 不過廢事中蕉無post出黎啦 ^^  去到神社入面既姻緣社度...講都唔信呀....我見到火野麗 哈哈, 真係幾正嫁喎...套衫 ^^  係果度行左大約個半鐘之後就開始回程落山喇, 係途中有好多賣手信同小食既地方, 我地係果度買左七味粉啦....綠茶餅啦...仲食埋好好味既綠茶雪糕 tim ~ Orishi~  一路行一路食, 直情唔記得左自己未食飯, 去到四點幾先去食lunch, 是日lunch 係咖哩蛋包飯 正呀~      跟住落黎呢又係shopping 時間喇~ 去Hankyu shopping mall 果度係梅田既地標, 有一個大好紅既摩天輪~ 一去到就即係沖入去shopping喇, 都無理咁多, 入邊度好多唔同既brand, 賣唔同既野, 主要係為年青人為主呢....Naomi同Zita又係果度拎左成大包野出黎喇~  Omg...咁即係今晚間房又要再迫D啦   唉......    行完之後呢....我去左食suzi呀, 相都有幾張, 又係好好味嫁喎~ 仲要買埋巨峰提子食...真係好回味 ^^     食埋野 high 住返返去間中野屋度, 返到去放底D野之後又唔願訓, 之後走左出去拍片玩野, wtf....really a funny night~