|
|||||||||||||||||||||||||||||||||||||||||||||||||||||||||||||||||||||||||||||||||||||
~ 南 韓 . 秋 遊 日 記 ~
每年秋天都會與老婆大人外遊賞紅葉, 此行我們跟團到韓國玩五日, 行程中沒有一張似樣的紅葉照帶回來, 無乜所謂吧, 開開心心出外玩幾日, 已經係賞心樂事. Day 1 乘坐真正的晨早機, 起飛時間係 00:30, 所以集合時間是前一晚晚上十時. 飛行時間大約三個小時, 天未光就落機, 疲倦到連自己係邊個都唔認得, 由於時間尚早, 領隊安排一點時間給我們 在機場吃早餐, 之後集合上車出發開始行程. 第一個行程是賭場, 接下來的行程是到清溪川 -> 吃午餐 (韓式火鍋) -> 行街 Shopping. 乘坐晨早機差不多 等同通宵沒有睡過一樣, 仲要一落機去行街 shopping, 疲倦到發麻, 自己去邊完全唔想知, 老婆行我就跟住行, 行了一陣街, 老婆知道我想找地方坐, 於是我們找了一間雪糕/咖啡店 Cold Stone Creamery, 我們每人都 點了一個套餐, 套餐有一杯自選的雪糕和一杯咖啡, 真的估不到在韓國可以食到這麼高水準的雪糕, 非常滿足, 可能因為自己在極度疲倦的情況下吃這杯雪糕, 我覺得正過在荷蘭的.
晚餐是韓燒.
住宿 : Hotel Capital. (Seoul)
- - -
Day 2 前住雪嶽山, 參觀新興寺, 得多遊人, 好熱鬧, 不過天氣麻麻, 好大煙霞.
下午到大浦魚市場, 這是個很像西貢碼頭的地方, 海鮮食店林立, 遊人亦可以購買魚獲. 我們當然不會放過機會,
吃了炭燒帆立貝和不知名的貝類. 黃昏到溫泉水世界, 慢慢泡一泡溫泉享受, 很不錯. 晚餐是加錢的海鮮餐, OK啦. 住宿 : 雪嶽山韓華渡假村. (Sorak Hanwha Resort)
- - -
Day3 早上是加錢的的行程, 乘火車遊海岸線, 及到沙漏公園拍照留念.
之後往參觀二戰戰艦和北韓間諜潛艇.
我們參觀的戰艦是美國海軍驅逐艦 USS Everett F. Larson DD-830, 在 1945年出廠, 首經打過第二次世界大戰, 韓戰和越戰, 在 1972年移交南韓海軍並更改了艦號為 DD-916, 到了 1999年退役為紀念館. 下午到大關嶺牧羊場餵羊, 又有牧羊狗表演趕羊. 黃昏前到達今晚入住的地方, 是 Mayfair Pension & Resort, 這個渡假村是一間間的郊野小木屋, 環境很不錯. 餐後安排到觀星台觀星, 可惜密雲, 看不到星星. 住宿 : Mayfair Pension & Resort.
- - -
Day 4 首個行程是到 Everland Resort, 團費包了入場及任玩套票, 這個樂園的裝修幾靚, 又有動物園區, 機動遊戲以 木造過山車最出名, 我當然有和團友去試一試, 這個過山車的確有D料到, 值得一試. 午餐在園內的餐館吃 牛骨湯飯, 很不錯.
隨團攝影師 Jenny
下午返回首爾, 去 “購物點”. 晚餐是人參雞. 住宿 : Seoul Palace.
- - -
Day 5 早上到韓湘庭園 DIY 泡菜, 及可以穿韓國傳統服飾拍照. 跟著的行程是多個 “購物點”. 乘 19:45 晚機回港. ** 由十多年前開始一直到現在, 跟團到韓國旅遊, 工作人員除了領隊, 導遊和司機大哥之外, 還會有一位 攝影師隨團的. ** 如果今時今日到韓國自由行, 除非你識韓文, 我覺得比起十多年前到日本自由行還要困難. 英語並不流行, 漢字 (中文字) 亦不流行. 剩係講出外吃飯, 絕大部份餐館是沒有英文菜單, 以及沒有附上照片的菜單. ** 在市區好容易找到二十四小時便利店. ** 電掣插頭是兩腳圓腳插, 香港市面上有兩種圓腳插, 記得問清楚係邊種, 問既時候仲係要問個識既人!! 出面電器店既店員好多都唔識, 就連旅行社既職員都唔識, 這次跟X晨的旅行團, 我就係問過好多個職員之後, 都係買左個錯既!! 就當我個人理解有問題, 但是何解 有幾個團友都係買錯電掣插頭呢, 攪到個個晚晚 check-in 後要找插頭叉電. 行程完了, 回到家之後才發覺原來我的電器盒內, 有個正確的韓國插頭, 嘔血呀.
South Korea . Travel Diary . 2008 ~ edd's picture
All Images © Copyright By Eddy Wong. All Rights Reserved.
|