Nikkie 2006 年2月25日清晨時份在佐敦走失, 如果有人已經收養了她,

或者知道她的下落, 懇請告知。

Nikkie 晶片號碼 : AVID*083*037*081

Nikkie 特徵 : 成個頭都是啡色, 無白界 (多數的比高犬都有白界的)

而 Nikkie 只有鼻附近的毛是白色的。細身型。未絕育。       9-Mar-2009 ...Ewa

♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡

Nikkie, 妳真係好百厭, 無端端自己走去玩, 又唔返屋企,

媽咪真係好担心妳 、好掛住妳呀....  有人話見到個哥哥拖住你, 係咪真呢 ??

媽咪唔會強行帶走你的, 媽咪只想知道你現在生活得健康快樂,

已經很滿足了。   26-4-2008 ...Ewa

♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡

 Hi, 我係一隻 Beagle 女, 名叫 Nikkie, 媽咪鍾意叫我 KiKi。

 我響2003年8月出世架, 唸返起我既童年........ 

我媽咪以前唔錫我架, 買我... 係要我陪家姐 (金毛尋回犬 : Zoe)

但係我唔鍾意媽咪成日將我同 Zoe 家姐比較, 又偏心, 仲勁大細超,

所以我成日蝦媽咪既至愛 Zoe........

點知媽咪越泥越唔鍾意我, 甚至想唔要我 T_T

我響度唸既然唔鍾意我, 做乜帶我返屋企 ??? 

都無用心機教我, 就話唔要我, 於是我诀心離家出走.....

記得果日係一個風和日麗既下午, 我嚮pet shop洗完白白,

襯媽咪未拖好我, 我就一支箭咁衝過幾條馬路....... 

好多車... 好驚.... 但係媽咪無追我...  好傷心......

好好彩，因為媽咪成日都帶住我同 Zoe 家姐周圍去,

有人認得我, 就帶左我去pet shop, 不過我都唔係即刻返到屋企呀,

D 人call 唔到媽咪, 將我dump來dump去, 幾經轉接先再見到媽咪。

雖然我年紀細細, 但係經已飽賞過悲歡離合同寄人籬下既苦況,

而家我同媽咪終於有我地既安樂窩喇, 感情仲好好添。

媽咪仲好鍚我, 成日煮 d 好野比我食, 又成日帶我去遊山玩水。

上次野外定向雖然攞唔到獎, 但係報紙就登左我同媽咪既靚相相呢,

好開心呀。仲有呀, 有次媽咪為左保護我而比隻衰貓爪到流晒血,

而家雖然好返, 但係隻腳就有幾條衰貓爪傷既疤痕, 我都好心痛呀,

我每次見到媽咪呢幾條爪痕, 我都會"廉"下佢, 鍚返媽咪。

我知道無論將來係點, 我同媽咪都會係一生一世既。 

媽咪, kiki  “I LOVE YOU”

我是一隻幸福的小狗

  ♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡