2007年9月29日 星期六

午餐：ヤン衆料理 北之魚場。正，好、薦！5/5分
晚餐：串鳥番外地。好、贊、薦！5/5分
住宿：札幌第一Washington

今日主打札幌一日遊，故此去買張Day Pass。原來札幌逢Weekend 地鐵Day Pass祇須500Yen，賀！先去Sapporo Museum，由最近的地鐵行去都要十多分鐘，可參觀的地方其實很細，很快看完，於是步行至Sapporo Factory，都要十多分鐘，Mall一個，沒什特別，Shopping等去東京先。午餐前有小許時間，坐車到三越超市八八，嘩原來這裡有烏骨雞布甸，貴些都要試試，買定遲些做點心。好夠鐘午飯，再坐地鐵去ヤン衆料理北之魚場，這個亦是在WalkerPlus絶品・すし特集中介紹的。果然新鮮好好味，又萬元了。附近有很多生果批發場，時間關系都差不多全休息中，在食店街買了個因熟透而由1500yen減至1000yen的蜜瓜，正，再在回程途中小店買了個500yen的西瓜，小豬女用繩網吊住個西瓜坐地鐵返市中心，好型呀！

返酒店放低個蜜瓜，順便開個西瓜來食，OEC！又甜又爽。再食今早買的烏骨雞布甸，果然再貴些又真是好食些，OEC！食完又再起程，都廳、計時台、百貨店、四圍逛逛。又到7點幾，又是時候去大丸買定宵夜，今日終於買了大蝦剌身、扇貝剌身、三色剌身，正，又返酒店放低先，好彩酒店夠近。晚餐plan好去食串燒，坐地鐵去薄野的串鳥番外地，其實札幌有很多間串鳥，但串鳥番外地則為集團中串燒品種不衹集中雞類，還有其它一品料理。水準很高，吃得非常滿意，五粒星，埋單用coupon可減1000yen，又食又飲兩個人都是3千幾yen，真的平靚正，薦！

行行狸小路幫助消化消化，返酒店再宵夜，一大堆剌身，再加上超好吃的蜜瓜，今天全都好好味，噢，札幌我愛上了你！