老樹幹
德國人有一句諺語,大約嘅意思係話樹木結疤嘅地方亦係樹幹最堅強嘅地方.嚮大自然入面,樹木會受風吹雨打,樹幹,樹枝會傾倒,會折斷.但一樣有機會會癒合,會有機會再繼續生長落去.而當中,斷過嘅地方,雖然會生得比其他嘅樹難睇,但係呢D部分亦同時會係呢棵樹上最堅硬最有力嘅地方.可靠咁支撐着成棵樹繼續成長,向高空發展.呢句諺語背后嘅道理,我相信好多人都會明白.因為每一個人都有佢自己一個飽受風吹雨打嘅故事.唔理妳係因為至愛離開咗人世定還是只係簡簡單單工作事業上嘅不如意.我冇意思去比較每個人心目中嘅挫折,遺憾.會係邊一種重要D.嚮呢一刻,我只係相信嚮萬物之靈主宰呢個地球之前大自然早已經賦予我地一種生存嘅本領,而呢種本領會係幫助我地成長,就算嚮挫折過后一樣可以迎風而立就正正好似諺語所講嘅老樹幹一樣.人生于世,雖然會受到好多外來嘅事情影響,但係呢D事情應該點去面對呢?係迷失,定係由自己決定呢?並唔係存在對與錯,好定係唔好.只要好似滿身疤痕嘅老樹咁樣能夠掌握自己嘅命運同埋方向,逆境中亦能夠活出自己理想嘅人生.
By Henry, Healing Hands
 My Blog & Message Board 留言薄 |
|
|
|
|
 _MG_1751
|
|
|
