Cebu@Summer 2009 -- fotop.net photo sharing network

今次的宿霧旅行是有意思之行，點解...?這也是讓我找個藉口出走去玩的主要原因~ 就是老友記生日了...我諗咗好耐唔知送咩俾佢...
她乃是一位「夏日烈女」~ 好！就請佢去曬個夠啦！要趕及在她的生日前完成...

在她全不知情下我跟她說了~「去宿霧好抵呀！」、「機票、酒店我會搞定的~ 妳不用煩！」、「請兩天假行得」、「Travellife 有人揾腳去宿霧玩呀」...(^0^)

一齊也在我的詭計下順利進行~ 哈~ 她真的跟着我的指示請假...成功！

我知道如果同佢講我請佢去~ 佢一定會以強勢出擊「Say No」...所以我決定寄封通知信俾佢！hahaha....

"A Birthday Surprise to my best friend- Shan!"

時間：Day 1 @16 July【月黑風高】
《Depart from HongKong (HKG) at 20:35H/ Arrive in Cebu (CEB) at 23:10H》去宿霧我首選Cebu Pacific~ 因為平而且直航！夜機好，唔洗請多日假！

住宿：Sampaguita suites http://sampaguitasuites.com/

遊點：Cebu City

第一站：夜訪Cebu

經過上次希臘午夜狂奔揾酒店的經驗，我今次booked呢類唔洗online payment嘅Hostel特別小心...上網睇定呢區附近有咩酒店...有咩唔對路即刻識走佬嘛！

果然，係...又整蠱！

今次係同上次希臘一樣...又話無Booking！？...我係用email confirmed booking嘅~ 而且出發前兩天我已致電長途來核實了一次...真的是「平嘢」無好嗎？

在一輪擾讓後，該職員說Standard Room- Double 無哂~ 但Executive Room- Double就話有！唉...是但啦...貴少少姐~ 唔想行去揾第2間！萬惡的錢又解決問題了~

其實呢間Hostel係唔錯的...因為好好好平咋~ Executive Room- Double都只係$215晚~ 而且係市中心，是用作停留瞓覺only的好選擇！我Booked咗兩晚~

因為明天的行程是早出晚歸所以我決定頭兩晚住Cheap Cheap Hostel，之後兩晚就嘆世界！yeah~

時間：Day 2 @17 July【晴天霹靂】

住宿：Sampaguita suites http://sampaguitasuites.com/

遊點：Cebu City

第一站：Island Hopping Tour

見到Travellife Forum好多網友都好評呢個Travel Guide- Nypol，所以就join埋幾個咁啱又係呢段時間去Cebu嘅 Travellife Fans一齊幫襯呢個Island Hopping Tour...一行七人每人USD 40咋~ 人多夾，真係抵好多！

呢個 USD40 Island Hopping Tour包咩?

我們按照原定計劃~ 約定了Travellife Fans和Travel Guide- Nypol在我哋間Hostel集合~ 等齊人出發去碼頭 (Tour是包Cebu City內酒店Pick up的)

呵呵∼∼出海了！出海了！(心情很興奮...因為7月是打風季節~ 出發前宿霧剛打完風...所以好擔心落雨！...好彩只是雲多了一點！Ok la^^)

去到碼頭我們乘坐那種無Motor...人力發動的小船仔推我哋出海再登上一大船正式啟航出發！船上的幾個服務人員全都是Nypol的家庭成員，也是我們今天的導遊~ 他們全都很友善和風趣！

我哋第一個目的地是開飯~ 食Lunch！我哋被帶到一個荒島~ 個沙灘水很清但無人游水... 因為成個島除咗我哋就只係得一班日本人同樣係荒島野餐~

Nypol一家就忙忙碌碌的準備我們的BBQ Lunch...(係佢哋燒，我哋食！)我哋就係個荒島沙灘上行吓行吓...影相~

佢哋好原始嫁...攞d石頭嚟搭爐BBQ...當燒到火紅火綠的時候~ 天開始下雨...越落越大...繼而是滂沱大雨...我哋「灰哂>_<"！」...呢埋哂係個亭度等食...原隻魷魚、豬肉、雞肉、魚、白飯、超甜芒果等，好好味吃得捧著肚子走~~~~我哋橫風橫雨係度野餐嘅時候，重有隊Live Band係度淋著雨唱歌！Feel So Gooooood~

真係好彩~ 我哋食飽嘅時候就停咗雨~ 哈！即刻走人去第二個目的地啦~ Nypol就帶咗我哋去玩浮潛...架船出咗汪洋大海之中就停咗係度...據說是浮潛熱點~ 水很清，一望見底...距離海床好深~ 而且魚很多很多~ 一群一群不同顏色的魚游來游去！全程有個Nypol's Staff護駕住落水，貼心服務！^0^...超讚！

玩咗成個鐘之後就上船再去最後的目的地~ 尋找他鄉的海膽！

他鄉的海膽很瘦~ 並不吸引...但還是吃了一只！

這個為時5小時的“Island Hopping Tour”就結束了...雖然沒有了太陽但全無影響我哋玩樂之意~ 而且Nypol 的服務非常好~ 超讚！

第二站：「金錢豹」，快逃跑！

金錢豹？不是酒店也不是動物園。金錢豹乃是宿霧具規模的一家「舞廳」！

那是男人去的地方！本小姐在過去的30個年頭都從未都過這些煙花之地~ 我點解會去？

話說...我哋出完海就同Nypol brothers 一齊去食飯~ 本是叫他們帶我哋食完飯去玩...估佢都係找個地方去飲嘢~ Bar or Disco 咁啦~

嘩~ 點知...嚇死本小姐~ 我一入到去就見到個很大的「金魚缸」~有大概三十幾個女仔(注意：全部只著身材盡露的性感泳衣)好整齊咁排排坐...

我們被安排到舞台附近的檯坐下...台上的性感舞孃盡騷驕人身材之餘更身軀如蛇般扭動，勁爆性感熱舞表演！確實令本小姐大開眼界...雖然如此但此地並不吸引我留下~ 我遲疑地想着...「我真的有需要來見識一下嗎？」

老舊的擺設，類似酒吧之類的密閉式空間中，擠滿了彷彿是另一個世界的各色人種，烏煙瘴氣的包圍中...清一色的色迷迷~
當中的行為更惹我非常反感...令我有前所未有的污穢感覺！我決定逃離現埸！獨自離開時我感到有一點孤寂... ...

因為選擇，人感到自由；

因為選擇，人感到孤寂。

我選擇了，我有我自在吧！

時間：Day 3 @18 July【再見艶陽天】

住宿：Maribago Bluewater Beach Resort http://www.bluewater.com.ph/maribago/index.php

遊點：Cebu City

第一站：市內周圍行

今天的行程會白天在市內逛一逛，晚上就進至Mactan Island 的Resort Hotel~ 早上醒來先收拾好行裝Check Out...寄咗d行李係Hostel~

我哋就出發！行街街~

今天天氣很好...終於見到太陽啦~ 食完嘢周圍行..去咗Ayala Centre, Robinson's Place...少少Shopping啦~ haa...無買貴嘢^0^~~~
跟住就走咗去Massage~ 環境唔錯而且價錢好抵...正！

好快就...又到晚飯時間！又食炸~炸~炸~！炸雞，炸春卷，魷魚圈...正！But~ 好熱氣呀>_<"！

食完嘢我哋就返去Hostel攞返件行李離開Cebu City...

第二站：藏身嘆世界

Maribago Bluewater Beach Resort, Mactan Island

呢間Resort離Cebu City約一個小時車程~ 係好多Travel Forum, blog友都讚環境優，服務好~ 所以Booked咗佢...在的士上我無瞓覺很興奮...好想快d去到~~

終於到站~ 個大閘門好Grand~~~

去到Check- in~ 即刻有好消息...AE Card有Promotion Free upgrade！

我Booked咗Deluxe Room~ Free upgrade to Amuma Spa Suite！正x100000000~~~~~~~

推門！間房靚都暈~ 個Bathroom超大~ 好SPA feel~ 狂影相...

跟住...沖完涼~ "Fu Mask"..繼續看未完的小說...我好快就瞓咗覺lu...Z..z..z

時間：Day 4@19 July【太陽大曬】

住宿：Maribago Bluewater Beach Resort http://www.bluewater.com.ph/maribago/index.php

遊點：Maribago Bluewater Beach Resort, Mactan Island

第一站：抖暑@Resort

今天的行程好簡單是全日窩藏在酒店嘆世界...

八點幾起身，梳洗後急不及待出動食早餐加視察環境~

有咩超讚？...

有3個泳池的 (1個超大泳池、1個有得玩滑梯泳池、1個Jacuzzi) ~ 正！

有個私人沙灘，有椰樹亭、沙灘椅、毛巾準備好哂 (For Guest Only)~ 正！

對面仲有個小小的人造島- Alegrado Island可供作婚禮Private party (我係度寫大字都無人理)~ 正！

低密度、空間很大~ 有個露天SPA設係泳池旁！好牙擦~ (不過...我淨睇無幫襯..太貴了！) ~ 正！

Bar @泳池和沙灘，坐係度飲Mango Shake + 睇書~ 嘆死！~ 正！

我哋最終係沙灘渡過了大半天，各自飲咗兩杯超好味Mango Shake~ 下午四點幾返房沖涼食杯面...

第二站：外出用餐

晚上，打算出去逛逛揾嘢食~ 行出酒店大閘門...附近沒有大商場，全是當地的平民生活！沿着馬路行無幾耐...就有人走過嚟問我哋去邊~ 佢架車仔PHP50可以車我哋去市集+揾嘢食兼送返我哋返酒店...我同老友記無有怕~ 一於上車！

個司機車咗我哋去個好鄉土的市集~ 賣生果、海鮮...！跟住又勁話帶我哋去Massage~ 好鬼貴...想朦我哋去...唔會啦~ 我哋乃是一名聰明的消費者！跟住我哋叫佢車我哋去揾嘢食！最後去咗間啱啱停咗電嘅風味餐館食嘢~ d位好得意一個個亭...我哋坐了個二人亭~ 天開始黑...佢哋就用可樂樽點住枝洋燭俾我哋「照明」~ 黑麻麻...不過d嘢好好味^0^！

中途終於有返電~ 嗰度dStaff好熱情問我唱唔唱歌~「咪玩啦？！唱咩歌？」哈~ 最來佢哋有間Party Room有個小舞台係可以唱K嘅~ 重要有個五顏六色嘅波波燈..好懷舊呀！佢哋話無客就唱吓歌~ 重可以跳埋舞添！

時間：Day 5@20 July【最後夏期】

住宿：歸家了...北角吾家

遊點：Cebu/ Hong Kong

今天下午17:35機回歸...Request 咗late Check- out兩點要走人！所以，一早就爬起身去食早餐~ 然後再出去同陽光玩遊戲Say good bye！...haa~

今天天氣麻麻...多雲驟見太陽~ 我好努力攻陷埋我本小說，老友記就繼續「煎魚」咁~反嚟反去，曬得一身好膚色^0^

時間好快就過咗lu~ 臨走時再Encore多一杯Mango Shake！WoW~ 正x1000000！

當我哋要起程離開嘅時候，天就開始下雨...一直沒有停過！

謝謝上天給了我一個多晴的假期和一個老友記與我同行！