又是因為平機票的吸引，又是Air Asia，又來沙巴了！ 

 

 

時間：8 July 2010

住宿：The Rainforest Lodge (Deluxe- Twin Bed room: RM $105 = HKD $256)

景點：KK City

 

晚上9時多到達KK，打了貴的(RM $40= HKD $97)去The Rainforest Lodge ...實在只是10分鐘車程...咁就唔見咗一嚿水...搶錢的司機！

 

到埗Check- in後~ 個肚打哂鼓...火速行去Sedco Complex (大排檔集中地)食雙天！...今次好像沒什麼特別...普通普通！

 

食完飯已經夜深了，街上遊人極少...回府休息吧！

 

The Rainforest Lodge位置很好就在KK City中間 (美麗華超市對面)！Hostel來說算是很乾淨企理的！平價精選~ 而且樓下很熱鬧，有很多食店更有Live Band唱歌~~~ 我老友話佢哋唱到成01:00先收Band...搞到佢要欣賞完個演唱會先瞓得著！haa...我唔知~ 我好快已經被周公子迷暈咗...瞓到暈得一陣陣！

 

 

時間：9 July 2010

住宿：The Rainforest Lodge (Deluxe- Twin Bed room: RM $105 = HKD $256)

景點：Kiulu River Rafting/ Jesselton Point Ferry Terminal/ KK City

 

Kiulu River Rafting (GRADE I&II)

PRICE : RM $140 (HKD $345)

(Prices are inclusive lunch; return land transfer, safety equipment, English speaking tour guide and etc.)

 

睇d相以為都激激地...但事實係...重弱過海洋公園架滑浪飛船...好過漂流泛舟少少啦...總之呢~ 朋友們如果去沙巴玩激流一定要去遠d嘅Padas White Water Rafting！有小朋友就去呢條Kiulu River Rafting~「兒童適宜」！

 

玩完呢個小激流個Tour包咗個好求其嘅Lunch~~ 返歸時...下起大雨來！

 

雨越落越大，原本今天下午是市內行逛的行程也得取消了！...我哋只好暫停在Hostel嘅露台玩呢個大富翁紙牌...

 

等咗兩三個鐘...雨一直沒停沒了...因為我哋明天要去Pulau Tiga (Survivor Island生還島)還是先去碼頭確定一吓明天的船期吧！所以一行五人風雨同路地慢步到Jesselton Point Ferry Terminal...原本只需10分鐘的路程...我們像是行了好耐...因為...

 

嗰個落雨嘅下午，
嗰條濕滑嘅行人路，
嗰個粗心大意嘅遊人，

唔想洗低係條街度...

我唔想「留給最〔火羅〕的畫面」俾大家...haa~~~ 著拖鞋行路真係唔太舒服...

 

終於行到去Jesselton Point，問櫃檯的售票員佢哋竟然話Jesselton Point無船去Pulau Tiga的...「吓！」

 

嗰個靚哥話Pulau Tiga Resort嘅office就係前面好近，佢建議我哋去Pulau Tiga Resort 嘅office問清楚...

 

因為下著雨...朋友們坐著等...我跟領隊Edith去問個明白吧...

 

嘩！...真真玩嘢...又話前面好近...應該係前前前前面好遠...一路問人...又係嗰條濕滑嘅路...又要趕住6點收工前要搵到~ 我夾到對拖鞋好實...

 

終於行咗半個鐘有多先搵到...個服務員Sue非常友善地講解一次我哋由KK點去Pulau Tiga...最快的方法就是直接請Pulau Tiga Resort接送了，不過來回每人索價RM$150！太貴了吧~

 

而Sue也教了我們最便宜的方法還送上一張手繪地圖！(車程需約兩小時)
於07:15在City Park巴士站搭往沙巴南部的大巴士(RM$15- $18)，一定要途經Kuala Penyu的交叉口下車，接著就可步行/攔截巴士或的士往KP的港口 (這樣單程只需RM$20內！！)

一切順利就可成功搭上10:00的Pulau Tiga Resort船進島呵！

 

當然啦~ 我哋係會選擇最便宜的方法呢！搞掂走人...又要行返轉頭找會等我們的朋友！

 

搵返朋友在雨中漫步了一圈Jesselton Point又行返出去...來回四次！

 

著拖鞋雨中行來行去...比著高跟鞋周街跑更倦！

 

忘了是誰的好主意~ 突然話去腳底按犘！太好了~~ 那麼知我心意！舉腳支持呀！本小姐對腳已倦透了！地點就在Rainforest Lodge 後面1小時每人消費約港幣$100~ 環境都OK~

 

以後去咗食Pizza~

 

 

時間：10 July 2010

住宿：Pulau Tiga Resort (Standard Chalet: Per Adult- RM $305 = HKD $754《包3餐》)

景點：Pulau Tiga (Survivor Island生還島)

 

07:00起錨！我哋把行李寄居在Rainforest~ 出發兩日一夜嘅Pulau Tiga (Survivor Island生還島)！

 

每人一包無味炒米粉早餐...

 

成功坐上大巴到達Kuala Penyu！

 

落車後人影都唔見多隻...唔見有的士/巴士...但我哋成功截到順風車！haa~~~ 個位先生正正係前往KP的港口重咁啱佢又係去Pulau Tiga (Survivor Island生還島)~ Fit哂！好嘢~~~

 

Pulau Tiga Resort是Pulau Tiga島上唯一一家Resort！

 

入到島大約12:00，Check- in...咦！獨立屋正喎…(開門)…嘩！好返璞歸真，房間好簡單得2張床、無衣櫃、洗手間超簡陋(註：無熱水)、無電視！好彩有部冷氣...真係讓我們遠離繁囂，把生活原於「始」。(=.='')

 

跟住食咗個好一般嘅午餐 (實情是我哋個兩天一夜package包咗3餐...所以別無太選...3餐都真係好麻麻！請你千萬別抱任何其望>_<)

 

總括來說呢個Pulau Tiga Resort我覺得有80%似宿霧嘅Bohol Beach Club...不是豪華Resort是親親大自然那類型~

 

KP的天氣比KK好得多~ 藍天白雲！食完飯我哋就去咗個沙灘同陽光玩遊戲...

 

竟然是一個人都無嘅沙灘，我哋包咗個場~

 

人浮潛在海中時有一種寧靜的感覺，向前望去，陽光灑在淡綠色的清澈海水中，珊瑚隨著波浪而韻動，游近點更會發現各式各樣熱帶魚悠遊其間~分外美麗！

 

...寧靜的沙灘，一望無際的翠綠大海

在那觸動的瞬間，情緒莫名的拉扯，泛起很多久遺的感覺... ...

 

黃昏前我哋要趕及位於島上景點之一的 "Mud Volcano"

從Resort往森林山上走約45分鐘，就會發現一個泥漿池...

(緊記：做足防蚊措施，個森林d蚊超多！)

 

當本小姐終於見到嗰個...泥漿池...反應>>>(@_@)...唔係啩！

 

泥漿含豐富礦物質，有護膚作用，你可以到這裡來做泥漿浴，為皮膚做做SPA！但我哋係無人願意落去嫁~ 行咗咁耐一場嚟到...掂一掂都要啦！

Haa~我哋拎d手手腳腳來猜吓~

左手：Edith 右手：Shan 左腳：Angus 右腳：Chung 手指：Jeffrey

 

全程我哋應該只留咗係嗰個泥漿池「邊」15分鐘...就碌返落山！雖然是原路行返落去，落山總比上山辛苦一點...再加埋條森林之路...唉~ 我又要夾到對鞋超實！

 

所以...朋友們，如果你喜歡行森林的話你不防去走走...但如果你是一心想玩玩那個泥漿池的話，我有一個更好的建議>>>去莎莎買BORGHESE海底泥返屋企嘆返個「海底泥SPA」一定更醒晨，無點你！^0^

 

看了一個幾靚的日落！日落總比日出迷人，結束總比開始淒美！

 

 

時間：11 July 2010

住宿：Nexus Resort & Spa Karambunai (Pool Villa: HKD $2,305 for 4 person + 1 Extra RM $45 Per Adult with breakfast)

景點：浮潛 @Manukan Island & Mamutik Island/ 世界盃(曬月光)

 

昨夜一直不能入睡，早上醒來沖了一個凍水涼！刺激一吓身心~

早餐後在碼頭拍拍照，09:00有船安排出返KP！

 

我哋再次去返那個交义口等公巴返回KK！

 

今天是行程的最後一個Full Day~要盡情喪玩！

昨天玩的是陽光海灘＆距海岸不遠的淺海浮潛...今天要玩"You jump, I jump"海中心浮潛啦！

 

回到KK，下午約好了船家Noel帶我哋出海~去Manukan Island & Mamutik Island一帶浮潛！雖然天色不是太好，陰陰的...但也沒有減低海底的吸引！

 

呢位船家Noel很好人，他唔會坐喺架船度等你...佢會陪我哋一齊玩~ 重會帶我哋周圍游搵嘢睇，捉d海底生物俾我哋摸吓！海參、海星、海螺...又會好主動幫我哋影相、拍Discovery Channel 短片！

誠意推介： Noel- telephone no.: 0135407484 (價錢合理而且佢個款都ok得嫁~ haa...)

 

朋友的Sanyo水底數碼攝錄相機比我的Sony好得多！枉Sony DC- TX5還自誇是質數最好最新型號的三防相機！

本小姐就水底拍攝忠實評價：要內涵，請選Sanyo！水底拍攝質數和短片收音都很清！要外型，Sony無得彈~ 超靚！但水底拍攝偏黃，短片收音麻麻，不知何解水底會有沙沙聲的！？

 

我看到有史以來最得意的 “Mo仔陣”~ 可愛的Mo仔襯紫色珊瑚！真係靚絕~

(必看短片開始至01分40秒 By Sanyo DC) 我睇咗成10幾次~^0^~ 正x10000！