Happy Luk's family

2008年2日29日晚上,發現自己有咗BB! 我同老公都又驚又喜呀!

5weeks 2days old. 03-Mar-08 第一次去照超聲波,心情好緊張.因為我哋未知BB是否在正常位置懷孕. 更有趣的係, 個Dr.係接生我的醫生.

6 weeks 2days old. 10-Mar-08 BB 懷孕位置都好好. 大家都安心啦! 我個肚都開始大啦! 都想唔到我會做媽咪,真係心情怪怪.食咩?都冇胃口. 最仲意食焗豬扒飯. 哈哈!

7 weeks 3days old. 25-Mar-08 小細包開始變大啦. 身体成日都有Ｄ好似洗肚臍的感覺, 小小痛又寃,體重由重咗十幾磅.好辛苦又冇胃口,好彩冇點嘔咋! 大肚好可憐架! 不過估唔到我本來好曾飲奶, 現在竟覺得奶都幾好飲架喎!

9 weeks 2days old. 07-Apr-08 可愛的小細包已由小豆型變成像小蟲仔,還有好急速的心跳. 第一次聽到BB的心跳,感覺好實在.

12 weeks 6days old. 28-Apr-08 開始有小小人型啦! 超聲波中BB的手腳還懂得動.看見BB在動手動腳時,真的好激動,也不其言流下感動的眼淚. 這就是我的小寶貝啦!

15weeks 5days old. 19-May-08 4個月啦! 本來可以看見性別的,但BB太斯文啦! 夾住大脾仔,唔比我哋睇! 唯有等下次啦! 老公就整日拿住本改名書. 男名又改, 女名又改, 好好笑. 又開始要我聽好多胎教音樂 & 育嬰雜誌期期買. 有時都幾煩架!

20weeks1day 16-Jun-08 哈哈! 係囡囡! 姥姥、媽咪 & 老姨都話我有福氣才生女. 想真D, 女真的倍媽咪, 到我哋老咗都唔會冇人理啦! 想得真太遠啦! 現在我開始feel到BB小小動.感覺像畫了一吓肚皮. 而老公看見BB已有完整的一雙小腳板時,還感動到捉住我隻手,想cry 添.

24weeks1day 14-Jul-08 囡囡踢得我大力咗啦! 醫生話囡囡雙腿好長. 條腰圍還有8吋肥. 嘩!肥妹仔呀! 現在囡囡個頭仔己經在下面. 希望keep住到出世啦!