09 Jan 2008
因為放假既時候時間亂晒既關係, 昨晚既睡眠時間點樣都轉唔番...結果零晨5點先訓著, 但係7點就要起身番學...
可能太耐無番學啦, 心情好興奮, 今個學期係1號館既3樓上堂, 而朋友大多數係2樓, 所以小息果陣好多人上上落落, 走廊十分熱鬧~ 而烏龜因為要重讀既關係, 被分班到2號館, 我地放學果陣每日都要係1,2號館中間既十字路口等埋佢一齊食晏~ 我諗依個動作將會成我地依三個月既習慣, 不過亦都係最後, 因為佢三月要回台灣啦~ 諗起我地一班朋友將會係今年內分別, 真係好唔捨得~...
講番上堂啦, 唉, 無左沖本先生, 心情下跌......希望依個大嬸會教得好啦.....
(無期望)...
第一堂教既野都好基本下, 加上我有預習嘛, 都無難度既 (估唔到有無備課都要計分...)
可能聽人講依個sem會好難讀既關係, 個人太緊張啦.....下個星期先要交既作文, 我係放學番屋企之後即刻完成~ 下下個星期要speech嘛~ 等先生改完, 可以即刻背埋佢, 知自己無記性架啦~
估到第一堂要自我介紹架啦, 但係企係身既時候仲為會好緊張囉, 哈, 好8chi~
