DAY 3 手記  
(每日金句)  
晨早起､風雲變､
乘車返､震到嘔､
迎聖火､傳激情､
創和諧､燃夢想､
兜兜轉轉追聖火。

今早起程諗住飛奔去澳門，點知又落大雨，搞到十點先由九龍鎮上車起程回清遠。今次雖然坐大巴，但係附近修路，路不好走，加上巴士上又播N年前周星馳好好笑既賭聖，一名青少年終於忍唔住，係我地面前嘔茄~SHIT~! 佢嘔去企位既一位阿叔度~中晒!阿叔睇電視中左招都唔知HA~!去到清遠已經中午，我們買了一點半去珠海既巴士票，車程大約四小時，去到珠海終於見到天色轉晴，我們立即過關去到澳門。由於唔知道火炬既路線，所以我們決定直接去終點既漁人碼頭等~去到已經下午六點鐘，等了差不多50多分鐘，終於見到聖火啦，立即舉機影相，可惜太多人只係影左幾張，影花絮既相反而仲多，影完聖火我地就要諗下之後既行程，最後大家決定今晚留係澳門，唔返上珠海住啦。係港澳碼頭中旅找左間假期酒店330元一晚，係舊區鏡湖馬路果面，因為平所以都冇咩要求，都係訓一晚第二日就走架啦。安頓好之後出去食飯，聽到不小澳門市民對今次聖火傳送既一D不滿，哈~我諗香港會好過澳門。明日行程整個澳門一天遊~!