今天是國慶日行程全日都係坐車，目的地就係蛟河市。早上見仲有點時間，就去了二道白河的幾個地方走走。第一個去的地方就係山水人家，其實呢度係個私人住宅，不過佢既歐陸設計，同埋附近環境所以吸引了不小影友黎到這裡拍攝。可惜今日天氣唔好，影出黎既野完全唔sharp。
剛剛低達不久，就目擊一件交通意外，聽見強烈又急速的煞車聲後，見到一個烈血小綿羊被馬力十足的豐田四驅車撞到彈起半空，再反彈落路旁。我們立即跑過查看究竟，附近的公安見我們跑，才使他們開車過去看看，傷者訓在地下沒有反應，公安以極高速的速度清理現場，完全一點也沒有發揮急救的常識~利害。祝個傷者好運，咁早就加插一個特備節目吸我們看。

離開山水人家後，我們轉到雕塑公園參觀，聽老闆娘說呢度是全國最大的雕塑公園，所以我們黎呢到行一行，不過全部都是國內的藝術家製作。

上圖呢幾個木筒我都幾喜歡，又可影和影下人。由於時間無多，我地只行了雕塑公園的一部份，之後就要趕回賓館取行李去客運站，準備我們今日國慶瘋狂轉車之旅。由白河可打的至客運站約十元一部左右。而坐麵的則一人一元人頭計。

去到客運買了到敦化的車票，由於距離發車仲有一點時間，所以我地就係候車室內聽下閱兵既情況，有的國內的同胞，仲帶埋無線的電視黎睇，不過由於電視接收的時間會比電台慢，所以整個候車室都可以聽到環回立體聲。聽電台的旁白真係有點搞笑，佢地講到好似講故事咁，真係利害。上到車後，當聽到主席發表講話的時候，全車靜晒，而我們還有講有笑，哈~唔識死。

由二道白河至敦化市，車程約三個多小時，天氣越黎越差，由多雲變成落雨，而且天氣還越來越清涼。底達敦化後又要~尋找車站的故事I~，特擊小隊最後找到敦化火車站，而且還買到去蛟河的無坐車票，唔知等陣要唔要企到蛟河呢。

係月台等車凍到嘔~>.<

夠鐘啦~出月台準備行刑                         

出到月台只知道係第三卡的車廂，但完全唔知第三卡係月台既咩位置。月台職員只係指示我們不斷往後走，落緊雨都要人出去露天的地方=.=。我們當然唔會出去啦，等火車埋站先殺出去，黎一個一百米的賽跑，走得太前又走返去後好搞笑，不過大家既目的只有一個，就係坐個靚位，因為車票係無坐，上到車廂見位就坐。但原來架車係冇咩人的>.<，坐定定後就開始找一些節目去自娛，例如左圖咁樣咩都玩一餐，由敦化至蛟河車程約一個多小時。

順利地黎到蛟河，上次找完車站，今次就要~尋找住宿的故事~，由於國慶關係很多賓館都爆滿，在火車站附近行了很久，各式的賓館旅店，甚至差點誤入有點色情成份的旅店，未行入去見到出黎招呼的少女都知唔對路，哈~緊急撤退。由於天色越黎越暗，再找唔到住就比較煩，唔通要訓街。行行下去到一個幾有級數的賓館，相信是蛟河市內數一數二的，叫蛟河賓館(三星)，入到去問都係只有一晚，>.<~辛好他們的組長物體幫我們調度房間，終於有得住啦，貴貴都住~.~。晚上出去附近找找野食，去到一間餐館，可能太肚餓，又再次叫左好多野食，又搞到浪費食物哈。睇下今次點收科呢。(不過間餐館既食物真係唔錯，雖然上菜D時間真係耐左D.耐到老細都要送可樂比我地飲。)明天既行程將會去紅葉之城既紅葉谷參觀。

由於賓館包早餐所以我們準時六點半就去到賓館內的餐廳補充體力，準備今日紅葉谷之旅。國慶後一日市面都幾清靜。本想在附近包車去紅葉谷，但行了成個圈一架都找不到，去到士多問老闆，佢又好熱心地找了格離彩票的老闆，向我們詳細講解，東北人果然熱情又好客呀，但結果都係~哈!,..行行下又返到酒店，結果要勞煩佢地幫我們找車，500元包一架豪華現代的十二人車，車我們的仲係該旅行社的總經理，真是有面子。

由蛟河市至紅葉谷車程約半小時，紅葉谷是長白山餘脈老爺嶺的一條山谷。位於拉法山國家森林公園的慶嶺風景區，春夏秋冬四季如畫。這裏山勢俊秀，林木茂盛，春有綠野、夏有飛瀑、秋有紅葉、冬有冰雪，沿兩嶺之間不時有村落、稻田、小溪…山水水綿延100多公里的紅葉林、白樺林、時疏時密的森林區。景區內景點全是用車點到點的，汽車買票就可以在景區內活動，而第一個我們去了慶嶺瀑布。

景區內除了慶嶺瀑布之外，還有谷中谷､谷外谷和愛林魚港的游湖，遊客可按個別景區去購票。而我們則買了通票，而景區內亦有一些景點是不收門票的，例如將軍祭台，景點~點與點間路程遠不宜徒步前往。
今日比起過去的景點明顯多了很多遊客，在山門車輛已經要排隊進入景區，入到景區內遊客是一團團計上來，國慶動員的力量真的強大。我們在慶嶺瀑布走了一圈，發覺景點平平冇奇，而且還不斷上山，可以不看也罷。

紅葉谷除規模宏大以外，景色也和一般的紅葉生長區不同。它具有其他地區不可比擬的特色。主要是顏色比較豐富。比如說在紅葉形成的時間，同時還有綠色的葉子，黃色的葉子。所以當地老百姓習慣的把它叫做五花山。吉林蛟河的紅葉特別好，特別紅。因為它處在長白山余脈，適合紅葉樹的生長。蛟河的紅葉樹種比較多，因為它處在松花江流域，適合於各種樹的生長，是其他地方不可比擬的，因為霜期比較長。經霜一點就變得非常紅，非常耀眼。

緯度高、霜期長，是使這裏紅葉色彩豔麗的氣候優勢；而地處長白山餘脈和松花江流域的交彙地區，樹種種類繁多，又為這裏在紅葉觀賞期形成五彩斑斕的效果提供了地理優勢。在紅葉谷，森林植被呈垂直分佈。由於不同樹種對霜凍的反應不一樣，有的火紅，有的橘紅，有的金黃。還有的樹種形不成紅葉，因此仍然碧綠。所以形成了紅葉穀色彩斑斕的獨特景觀。再加上這裏的霜期比較長，紅葉經受霜凍的時間更長，使紅葉的色彩也就更加鮮豔。

離開瀑布後，我們去到將軍祭台，這裡的紅葉非常之紅，而且還有各種顏色的樹葉，五顏綠色非常奪目，謀殺了不小我們的記憶體。而下個景點我地去到谷中谷，谷中谷沿著溪旁的山路，和剛才一樣全是被紅葉包圍，現在季節正正是紅葉最紅的時間，而紅樹下又最合適影人像，天時地利正正令這裡的紅葉比其他地方特別紅。由於時間關係我們離開谷中谷後，直接去到愛林漁港游湖，而谷外谷就沒有機會去到啦，不過聽司機講，那裡既環境和谷中谷差不多。

愛林漁港上船啦

湖光山色

渡輪碼頭

無敵夕陽

經過半個小時的航程，我們在湖上轉了一圈，沿湖欣賞了附近的湖光山色，夕陽照射下所有的東西都變得份外美麗，湖面金光閃閃，雲層富有層次感，對岸的綠草､紅色小屋和動物。好似去到另一個天堂一樣，平靜的環境令人暫時忘記都市裡的煩腦。
唔知點解，國內的同胞經常對我們的器材都好感興趣，通常都問我地幾多錢，在他們的定義就是金錢先決，貴等如好野。而沒有其他關於器材問題問我們。

有時都不會講真實的價錢給他們聽，因為他們平均的工資低，幾百元一個月，但我們的器材…都係低調d好。不過我們卻習慣了低調做人､高調做事~哈。

離開紅葉谷，司機送回我們去火車站，我們順道要買明晚回長春的火車票。

行程已經差不多去到尾聲啦，而我們今天亦買了明晚去長春終站的火車票，竟然又係無座~>.<可惡。明天我們將會去到最後一站的拉法山遊覽，拉法山位於蛟河市附近約二十多公里左右，前往亦十分方便。
今晚去了一間類次韓燒的食店食東西，主題當然唔係呢間店舖的東西好唔好食啦。而係又一次體驗東北人的熱情，和南方人冷漠的強烈對比。哈~~真係好搞笑，致於件事發生應該係咁既………….

我地入到店內座低叫野食，上菜食野一路都好正常的，座我們對面有一對一肥一廋的山東蛟河人，見佢地講野都幾粗豪，講野又講到好似吵咬咁，而且見到佢地都飲左好酒，我地食到一半的時候已經醒水，準備一食完即閃，點知唔知佢地係咪飲大左，先派左一個廋既黎挑戰我地，佢拎左一個杯同專程叫左一支可樂過黎，因為我地都是飲可樂關係，說要我們飲杯=.=!.....我們南方的萬里長城立即築起~~起來起來~!我地六個人一個人都冇理過佢，佢問我地聽不聽得懂，當然要裝作外國聽唔明啦，哈哈~~佢叫左幾聲我們都冇反應，佢勁無奈地行返去哈哈，呢場已經睇到兩者的分別。之後第二輪~輪到肥的過黎，今次過黎之前佢唔係拎可樂，而係入左廚房……=口=拎左碟雞肉出黎，說時快服務員已經幫我地開埋個爐係度煮緊，他們只說沒事､沒事….嘩~~好驚wo~之後佢就介紹自己叫咩名=.=~!話想我們結交個朋友(你就想了~)，又說自己係某某酒業的總經理(o下~唔係化)，仲比卡片我地話係蛟河有咩事可打給他即到果隻(睇黎真係飲大左)，又說到他們東北人比較熱情，請唔好見怪(但南方人是非常冷漠，難度你不知ma~你結交錯朋友了~哈)。又話自己冇咩錢請我們吃點雞肉是可以，要請晒呢一餐就負擔不起了(=口=..即係話;北方人貧窮南方人富有?)。以上既對話我地全程都咩理會佢，服務員把煮好的食物拎比我地食，我地開頭唔知係雞肉，都唔係好敢食，仲係度研究呢碟係咩黎，後來先知雞肉才食。佢仲要和我地六位飲杯先肯返過去。我地亦立即比錢走人，佢仲要走過黎開門送我們出去，真是熱情，但真係勁搞笑，我地出了門口仲繼續討論剛才這一餐。

由此可見南方人真係冷漠無情，與北方的豪放熱情性格成強烈的對比。也許就係因為大家文化教育物質等等因數差異關係令到同一個國家的文族，有這麼大的差距。亦可能香港有很多人大著重物質和保護主意，才慢慢生成這種獨有的性格吧。

財政報告︰
DAY6︰(01/10/2009)
麵的(賓館至山水人家)︰6元人民幣
麵的(山水人家至白河)︰6元人民幣

的士(賓館至客運站)︰10 X 2 = 20元人民幣
車票(二道白河至敦化)︰31 X 6 = 186元人民幣
火車票(敦化至蛟河)︰19 X 6 = 114元人民幣
住宿(蛟河賓館)︰288 X 3 = 864 X 2晚 = 1728元人民幣
晚餐︰170元
_________________________________________
共消費︰2230元人民幣


DAY7︰(02/10/2009)
超市購物︰58.5元人民幣
包車(蚊河至紅葉谷一天)︰500元人民幣
紅葉谷門票(全130,車30)︰670元人民幣
火車票(蚊河至長春)︰38 X 6 =228元人民幣
晚餐︰176元人民幣
_________________________________________
共消費︰1632.5元人民幣