「三週年之旅 － 澳門」 14-07-2007
今日係三週年紀念...
一早揀左今日去澳門....
為左唔想令個旅程不快...
買左本書....睇左好多資料...
寫埋行程....請左日假...玩三日兩夜...
點知....倒頭來係無乜用....
不過都打返呢幾日去過邊....
同埋講多D資料....
等大家下次多個地方去...
(德德請睇...個日借埋本書比你) 12點幾就到左澳門....
坐直通巴到利澳酒店....
開頭見到個外殼....勁失望...
點知一入到去....勁靚!!!
第一日住豪華房...
其實無乜特別....
係大少少者...
不過因為三點先可以入房...
所以就去左新八百伴同漁人碼頭影少少相....
其實我唔想去新八百伴的....
因為基本上佢有既..HK都有...
價錢又同HK一樣...有D仲貴過添...
所以唔使特登去....
要去既話荃灣千色店會多野買D....
不過如果真係未夠鐘...都可以行下...
但我建議去食野好過....－－"
放低行李....
就即刻坐的士到大三巴....
因為比原定行程遲左好多...
大三巴、大炮台(無影相)
 
哪吒廟
三個必到景點....＝＝"
但其實只係為左影相....
影完就無野睇架啦....
之後行去下環....
聖奧斯定、聖若瑟修院教堂...
 
情侶、影相佬行岩會D...
之後到....旅遊塔....內層
      
塔上日落
 
外觀
 
一定要到....因為真係好靚!!
上左去食360度自助晚餐....
真係會轉架...哈哈!!
好靚....只係好似無乜野食咁...
食完就去左隔離個南灣激光音樂嘖泉....
(星期六日：20:30~21:00,21:30~22:00)
其實無乜特別...都係被呃左去...＝＝"
反而隔離條橋就靚好多....
之後行返去議事亭前地....影相....
必到....因為都好靚!!...好多景可以影!!
再行返酒店...
15-07-2007
一早起身...去酒店食自助早餐....麻麻地－－"
之後返房影左輯人像...哈哈!!
之後就搭車去路環既媽祖文化村....
超靚呀!!
去到個牌坊有免費車上...唔使自己行...
上到去仲靚!!
有時間真係要去....不過就比較遠.....
之後去左安德魯餅店食葡撻...
雖然唔熱....但係仲好好食!!
比想似中好食好多....
仲有坐係海邊....一流!!
再去聖方濟各教堂
前面有好多花花...好靚!!
仲有荷花添....
本來想去哂老人圍、美女巷、情人街...
可惜只係搵到老人圍..＝＝"...無美女無情人..
之後就搭車到"乙水"仔....觀也街...
真係幾多野食...又有手信...
之後去左新好利食燕窩蛋撻....
無乜特別...$10個...好貴!!
再去大利來食豬排包....可惜無句變左
豬排多...＝＝"...但都好好食!!
之後就行去龍環葡韻住宅博物館....
無想似中咁靚....
再黎婚姻登記處.....
同埋島上唯一教堂....嘉模聖母堂....
之後晚飯諗住去食咖哩文....
點知無開...
咁就去左食達榮魚翅湯麵.....
仲有香脆魚翅球....
 
都唔錯....
之後搭車返酒店沖個涼...訓一陣...
就去左葡京賭兩手....
果然...真係賭兩手就無左成舊水...＝＝"
之後就轉戰永利....
永利靚好多...又大...
最緊要係有斬獲...哈哈!!!
不過個嘖水池就衰D啦...靚就靚!!
不過一有少少風...就好似落雨咁...痴線!!
相機都濕哂...
之後凌晨二點幾出去漁人碼頭影夜景...
點知無電...＝＝"
影得少少咋....
金沙
之後就飛的返酒店....成四五點先訓...好累!!
16-07-2007
一早食早餐退房再寄存行李....
之後就去聖母雪地殿教堂＆東望洋燈塔....
 
真係好靚!!
颱風訊號牌
仲可以望到澳門全景.....好正!!
跟住去左義字街....諗住睇下有咩平野拾...
點知勁垃圾....可以唔使去!!
之後諗住去雅麗娜葡式茶餐廳....
點知行左成個鐘都搵唔到....勁肚餓...
飛的去第2度食....
點知開車無耐就見到間野係前面...＝＝"""
之後唔理啦..放棄佢...
去左禮記食雪糕三文治...無乜特別...－－"
再去義順牛奶公司食雙皮奶....
然後再去杏香園食個芒椰西米....
咁就當左個LUNCH....
之後行下福隆新街....
 
白馬行....
再去手信街買左埋d豬肉乾就閃啦....
返酒店拿行李...
再去漁人碼頭影多幾張相...
就坐船走人囉!!
澳門....總結黎講....都係名大於實....
－－"...至少我覺得囉....
不過呢幾日真係玩得好開心就真既!!
嘻....－ｖ－""
一點雜相.....
 | 
kkhob