Sunday 05th February 2006 02:51:32 AM 恭喜發財![ 0 messages] General 年初五 收工,同亞哥去石磨坊食甜品,好好味呀!正∼ 之後倩都o黎o左...... 要等例遲o既奶娘...... 結果佢足足遲o左2粒鐘,太過份喇∼為o左俾個教訓佢, 我同倩罰佢俾錢掂搭的士入屯門,haha... 不過佢個樣都係不知悔改咁, 睇o黎下次要再用呢招先得!!!
年初六 夜晚同媚、佢男友&Apple去TST金鳳食飯,之後再行下廟街,跟住我同Apple走先, 去o左Paris Cafe坐o左3個鐘,我o地又傾o左好多事,講極都講唔完!^^ 年初七 (人日-人人生日快樂!) 今日都要返工呀...... 勁悶!!!>.< 期間同Apple玩MSN,希望大家可以成功喇,一齊向目標努力!! 收工之後,同珊行下MK先,去o左朗豪~好多都做緊大減價... 不過d衫都唔靚o既! 行完再去Whampoa陪佢食米線&換錶,好彩仲有貨換到。 跟住珊就返屋企喇~~而我就上姨媽屋企拜年&食晚飯...
好耐冇見o既豆豆、蛋蛋,估唔到冇咩點變!!!
|
Tuesday 31st January 2006 07:22:23 PM 拜車公[ 0 messages] General 年廿九 過舅父度食團年飯,跟住半夜3點幾先去行花市,今年市道好o左,生意個個都好好!! 返到屋企,朝早6點幾先訓... 大年初一 訓到下晝4點先起身,今日去葵芳拜年, 夜晚食盆菜,好味味!^3^ 大年初二 要返工on duty,今日冇咩人返工, 不過都逗o左4封利是!haha... 今日仲係假期,諗住冇咩生意做,新年食白果唔多好,之後都做o左4單生意,唔錯!唔錯!^^ 收工,同倩、Regina、Wayne、Louis佢o地唱K Buffert。 大年初三 今年都唔例外,訓醒食完lunch,就同亞媽、細妹去車公廟, 今次好晏,去到已經4點幾,仲係好多人... 咁快就近放完假喇,人o地公司初九先啟市真係羨慕!>.< 聽日正式啟市lu∼ |
Sunday 29th January 2006 12:41:10 AM ~恭喜發財~[ 0 messages] General 又到新年la...... 諗起細個過年同宜家真係爭好遠, 畢竟大個o左咁多,haha~~~ ^^ 新o既一年,希望方方面面都有新驚喜喇! 祝大家 狗年快樂 身體快樂 心想事成 萬事勝意!!! 個個都係靚仔靚 女^o^ |
Tuesday 27th December 2005 10:59:56 PM Merry Christmas! [ 0 messages] General 放o左4日假,聽日又要返工喇,真係放假放到心散lu∼∼∼ 平安夜,出去打邊爐,之後唔知去邊,想去尖咀睇燈飾,又驚多人會逼, 跟住走去唱K,好多人唱,我o地都只係唱到2點幾......
聖誕夜,飲完o野去o左睇戲<情癲大聖>,一套勁唔好o既戲, 第一次睇到眼訓,Zzzzzzzzzzz =.=" 好彩唔使錢,要錢都唔會睇呢d戲!!!
Boxing day??d禮物都一早拆曬喇∼haha ^o^ 同o左2個死“屎黨”出街! 下晝發生d事,攪到出街遲曬到。先行TST,再過MK join豬竇dinner, 又食sushi,豬竇好瘋狂呀∼ 食完又再shopping...哈哈∼收穫唔錯!!! 我o地仲去影相相,好開心、好靚靚呀∼ 諗起以前tim∼∼ ^o^ 行到好攰,去許留山食甜品,食下傾下,已經點幾鐘喇,難得有人話仲未夠喉, 唔想返屋企,最後我o地走去唱K,今次唱到6點,夠曬!!! 天光先返到屋企,7點先訓,一訓就訓到下晝4點,今日原本去踩單車,之後都冇去到, 想留o係屋企,陪下亞媽,自己都冇心情出去......(可能因為琴日件事喇!) 夜晚去黃埔行下街&食飯,試o左大家樂隻瑞士芝士火煱,OK好味喎!!^^ |
Friday 16th December 2005 01:37:50 PM 2005.12.16[ 0 messages] General 中毒 今日雖然請o左一日假,俾自己休息下,不過今晚都係要出去!!!(唔知死) 琴日下晝返返下工,無端端勁唔舒服,開始發燒,仲勁想嘔tim...>.< 好唔容易捱到6點收工,即刻仆去睇醫生喇,醫生話我感冒喎,都係開埋果d藥! 仲以為自己食物中毒tim∼∼ ^o^ 返到屋企個人仲係好辛苦,想嘔又嘔唔出,又發燒又周身骨痛,見到d野食就想嘔, 最後食o左碗白粥先食到藥。 病係人最脆弱o既時候,唔舒服時,身邊有咁多關心自己o既人,真係好幸福!^^ 可惜∼仲欠一個...... |
Thursday 01st September 2005 10:56:01 AM 小時候[ 0 messages] General 琴晚,亞媽俾o左本相簿我, 入面有我細個時候o既相, 有d都未睇過,太好la∼∼ 我不嬲冇乜細個o既相, 宜家搵到d,好開心呀! 細個d相最珍貴!!! |
Tuesday 30th August 2005 10:57:50 AM 2005.8.30[ 0 messages] General 今朝一起身,望出窗... 雖然陽光普照,見到地下濕濕地, o岩o岩落完雨,再望一望∼ 見到條大彩虹呀!好靚呀∼ 我即刻拎部電話影低佢, 不過影出o黎,始終差d∼∼∼ 過o左一陣,又多一條,打孖上, 呵呵!^^ |
Saturday 13th August 2005 11:02:30 PM 2005.8.13[ 0 messages] General 今日要返工,平時星期六返工都會好平靜,但係今日就...... 一返去,就係機票個陳生搵我,同佢講o左張機票冇問題g la,死都唔安落, 要我同佢出過張新o既,佢都傻o既,冇可能咁做! 最後要我send封e-mail俾佢保證,真係麻Q煩!不過我自己都有錯∼∼ 封e-mail都未打得曬,酒店果個侯生又call我,佢要退房, 都估到冇好野ga la,今日真係黑開條路。>.< 之後,佢仲大我話我同佢book錯日子,之後check返電話錄音, haha係佢自己講錯,呵呵∼退房要扣錢,好在佢都肯俾錢, 退完房∼我再同佢重新book過,又係麻煩友一個。 我做退房時又冇睇清楚個額,攪到做錯曬,初初yummy同我講可能要我賠錢, 嘩∼$550就咁冇做,好唔抵囉!攪到我lunch又都冇心機食,心情都down曬∼ 好彩最後都唔使賠!心情好返d,收工諗住同sophie行下街、買衫, 點知橫風橫雨,街又行唔到,要即刻返屋企。 |
Saturday 25th June 2005 01:23:55 AM 超級大雨[ 0 messages] General 2005.6.24 ~ 放 假 ~ 朝早10點,俾D行雷聲吵醒,出面落雨落到超級大,已經訓唔著喇,原來掛緊紅雨喇!!! 下晏出去飲茶時,已經冇落雨喇∼仲出埋陽光...... TEA完,過左吉之島買野,買左一 對拖鞋俾自己,再買左個書包俾細妹,haha∼冇曬錢Lu∼∼∼ 財散人安樂! |
Tuesday 21st June 2005 03:51:55 PM 2005.6.21[ 0 messages] General 今日落大雨,係勁大雨∼∼ 大到lunch時出唔到去行街。 公司又靜...... 冇咩野做∼人又眼訓!Zzzzzz 悶......>o< |