Monday 12th June 2006 11:41:48 PM 2006.6.11[ 0 messages] Love, Friendship More Photo ---> http://www.fotop.net/lovecherrie/060611 琴日又去迪士尼la，今次純粹為o左陪亞妹去玩， 不過都係唔使錢∼嘻嘻^^ 上半日天氣都算幾好天，入場人數都唔係好多，排隊都唔使好耐！！ 到o左下晝4,5點開始落大雨，落下停下咁~~~
不過都玩曬d Game，最可惜冇同卡通人物影相，Anyway都算唔錯啦，玩得幾開心！^^ 仲有∼勁攰．．．=.="
|
Monday 27th February 2006 12:00:48 AM 060225-26[ 0 messages] Love, Friendship 又過大海呀∼9隻鴨仔團。 星期六我放假，訓到11點半仲唔知醒，好彩有人打o黎叫醒我，差d訓過龍tim∼sorry！ 3點過到澳門，過關時發生一段小插曲，無端端俾人截住搜袋，原本都冇咩O野，我呢ｄ良好市民∼問心無愧，俾佢搜有咩所謂，但係個女海關態度好臭串，真係有ｄ興，見佢o係我度搜唔到O野∼見佢好失望時，我好開心∼∼haha 佢以為自己睇人好叻咁，白痴､懶醒！！！ 之後，我o地有“文華東方酒店”o既葡撻食，雖然係凍o左，不過都好好味！！＾＾再齊齊搭巴士去官也街食豬扒飽､水蟹粥､炸鯪魚球､鼓汁蒸鱔，正∼仲未停口，食埋榴槤雪糕，好飽∼∼∼∼ 食完周圍行o左陣，啟程搭車去關閘過拱北，過關已經用o左1個鐘到，一出關有個商場，都幾多o野行，好似羅湖商業城，最好玩係可以講價。我同apple幫佢老扳娘講價買o左d o野，有d成功感∼＾ｏ＾ 行到有d口渴，見到有麵包舖有得買一包包o既豆漿，５毫子一包炸，飲完仲有拿破崙芝士蛋糕食，好香口！ 晚飯搭的士去灣仔街食海鮮，果度係自己揀海鮮，人o地幫你煮，我o地買o左好多呀，呢餐海鮮餐真係好豐富，特別係ｄ蠔，令我好回味！！＾＾
食完飯，過關返澳門先去酒店check-in，大家休息一陣，又再出動向金沙出發。 初初個世好時，我同apple冇玩到，之後落手唔係時候，結果得我o地2個輸錢，唉∼∼冇運仔！>.< 2點幾返酒店，我o地玩下，沖完涼∼∼4點到先ｚｚｚｚｚｚ=.=" 第二日，9點酒店食早餐再check-out，10點約半媽祖閣等齊人，行完拜埋媽祖，去旅遊塔∼∼ 同Hello Kitty 影相and睇白老虎．．． 2點幾，又去食 la∼∼∼ 午餐去網球會利安餐廳食正宗葡國菜，good呀~~~ 葡國雞好滑､好美味！ 飯後仲有木糠雪糕tim~~ yummy！又飽喇∼∼∼ 再行路去十月初五街買手信，次次都買好多．．．好重呀！！！ 之後，行去附近一間好出名o既店食葡撻，話說兩公婆一齊賣葡撻，之後佢地離o左婚，之後就各有各賣。 今次我o地去老婆果間食，勁好生意∼好多人，無論堂食定外買。 最後一站，漁人碼頭， 6點坐船返HK喇，上到船冇耐，鴉雀無聲，個個Ｚｚｚｚ．．． 行程完畢∼∼∼今次係不停咁食－－－簡直係豪華美食増肥團！肥都抵呀！！hahahahaha......＾ｏ＾ 又要俾心機減肥喇∼∼∼ 要多謝做東果倆位，佢地好客氣呀！今次真有口福！ |
Sunday 15th January 2006 11:06:32 PM 2006.1.14-15[ 0 messages] Love, Friendship 琴日收工，同靚米去葵芳行街街，平時成日行油尖旺，真係行到爛， 今次去葵芳－－－＞好多衫睇呀！！！ 可惜，行完都係買o左一件．．．>.< 之後同佢男朋友一齊dinner &飲o野，返到屋企１２點．．．
今日，靚米約我去唱Ｋ Lunch，Ｎ年冇唱呢段時間，好平∼不過唱得２個鐘！ 唱完，靚米話想影貼紙相，跟住去o左新之城影相喇，影完．．．我開始呆呆地，太眼訓喇∼∼ =.=" 跟住我走先喇，我都唔想做咁耐電燈膽，haha！＾＾ |
Tuesday 03rd January 2006 12:10:43 AM Happy New Year ![ 0 messages] Love, Friendship 2006.1.1 31號我同奶娘幫倩o係逸東攪o左個生日party~~ ｈａｈａ∼∼開頭個個都幾含蓄，之後跳完舞， 由１０點開始玩到３點幾先走，alva仲醉o左．．．．．．
|
Friday 14th October 2005 02:55:48 PM 2005.10.14[ 0 messages] Love, Friendship Happy Birthday To Me！ 琴晚，倩同奶娘俾o左個好開心o既Birthday Party我．．． 多謝佢o地２個悉心安排！！！ 收工，倩約我去行ＡＰＭ，我o地去滿記食甜品， 再周圍行下(燉波鐘)，差唔多到８點先準備搭車出尖沙嘴， join埋奶娘，佢話先去cafe飲杯o野，上到去，原來一班人等緊我， haha~~~ Surprise！＾＾ 之後，肚餓叫pizza食，無端端有班差人上o黎查牌， 佢o地查身份證都查得惡過人，我o地係良好市民，唔係黑社會，使乜咁惡呀？？？>.< 過多陣，我哥都有o黎，大家食飽後，玩集體遊戲，呵呵！好攪笑∼ 到o左１２點，切蛋糕(Mandarin Oriental Hotel ge blueberry cheese cake^^) 又大一歲Lu~ Anyway Thanks All！∼ ^^
|
Monday 03rd October 2005 10:15:56 AM 2005.10.1[ 0 messages] Love, Friendship
下晝同媽&妹去觀塘飲茶， 再去舅母度，夜晚同姨､ 表弟佢o地食晚飯。 之後，約埋mei､mei bf､ apple d fd一齊去尖東唱k， 同apple預祝生日。 搭正１２點，播生日歌∼∼ 呵呵．．．少少驚喜！ 許願切蛋糕､飲香檳．．． 又大一歲Ｌa∼ Ｈappy Ｂirthday！
我o地唱到2點9先走。 |
Monday 29th August 2005 12:00:15 AM 2005.8.28[ 0 messages] Love, Friendship
今日,我 o地3個先一齊得閒。(同珊補生日) 我同珊下晏就出街la∼ 先去黃埔食lunch､順便行下， 再出ＭＫ行街，豬竇6點幾先出到o黎。 夜晚去漢陽苑食ＢＵＦＦＥＴ！ 飽到真係想嘔．．．．．． 今日都係貓貓新曆生日， 生日快樂！＾３＾
|
Monday 08th August 2005 02:00:51 AM 2005.8.7[ 0 messages] Love, Friendship 琴晚3點幾先訓，今朝又要早起身， 為o既就係報名參加瑜伽。 原本因為第一堂止唔到，諗住報第二班，點知近我屋企果ｄ都冇曬位， 唯有報返ＴＳＴ果度上，不過第一堂上唔到囉！ 報完名，食埋個Lunch，就過o左斧山道泳池同Ｓophie游水。 唉∼個泳池根本係嬉水池，得一個訓練池，仲要係好細個tim， 今日星期日，勁多人∼完全游唔到！之後個幾鐘後就走喇。 然後，再返屋企放低ｄ野､換衫，出上水同班小學同學食飯。 亞詩放暑假，由北京返 o左o黎．．．
食完飯，同豬竇､珊､仲賢去許留山食糖水。 最後，仲賢有車，佢同我 住同區，佢車我返屋企，ｈａｈａ∼∼佢ｄ駕駛技術都ｏｋ， 不過成日俾佢句“哎呀”嚇親！！！^^ |
Monday 01st August 2005 10:31:14 AM 2005.7.31[ 0 messages] Love, Friendship
朝早10點幾起身，食完個早餐，就開始做家務∼洗衫､拖地．．． 之後落街買o野。 2點半約左珊去o係黃埔食lunch，再搭船＆叮叮去到銅鑼灣join埋倩女，佢都差唔多收工，搵埋佢一齊行街。 行完咩都冇買，Dinner過返ＭＫ椰林閣食，食完周圍行，終於有收穫，買o左條連身裙＆一對涼鞋。 之後，珊走先∼我同倩女去許留山食糖水､吹下水，吹吹下就１點喇∼ 聽日返早，今晚又訓得果4個鐘！ |
Sunday 24th July 2005 12:52:10 AM 2005.7.23[ 0 messages] Love, Friendship
今日day off.... 原本諗住留0係屋企唔出街，之後難得豬竇今日得閒，所以就同珊約o左佢出黎食飯，當係預祝佢生日！ 我同珊行住街等佢出o黎，佢“例遲”ga la，唔到最後果刻都唔出現！！ 琴晚食得熱氣野多，今日去食壽司∼
好恐怖．．．食o左好多碟！！！ 之後，行街睇衫．．．．．． 又係一年，又大一歲，真係快！！ 生日快樂呀！！！^^ |
Art, Photography(2)
Current events(1)
Entertainment(11)
Food(4)
Love, Friendship(10)
Sport(3)
