琴日放假,朝早訓到11點俾姨媽個電話吵醒,
冇耐亞媽又打o黎,要我等細妹放學之後,
送佢去巴士站搭車去觀塘......
夜晚6點半,我去到Ocean Park,勁多人呀∼
排o左半個鐘先換到飛,仲有d飛o係倩女度,
佢o地o黎齊後,再換飛先入到場。
玩o左3間鬼屋,頭2間都唔驚,第3間恐怖d,
背景音樂好憂怨呀!!跟住玩埋動感影院∼車,
套野上2年o既,睇過Lu∼
玩到好肚餓,都唔敢食o野住,因為要把握時間玩,
時間無多...排隊坐欖車過對面,諗住玩下個鬼屋,但係勁多人,見唔到隊尾,最後放棄,去玩海盜船同跳樓機。
跳樓機真係好正,升上去果刻真係好驚,因為好高,跌落o黎果刻,好刺激∼成個人輕曬!!
的確係一個減壓幾好o既遊戲。
人太多,我o地1點先離開,個個又餓又攰,搭小巴出MK食宵夜時,個個o係車度訓著Zzzz