2007/10/03 (三) 晴
07:30am 千歲 Nikko Hotel 早餐
1) 1小時到達 登別地獄谷
臭蛋味又返黎啦,呢個好勁, D泉水係好滾架..呢到都有D紅葉影下..順路去埋大湯沼. 橫掂俾左Parking (410yen)
2) 1小時後又到左洞爺湖, 途經有珠山展望台,順便入埋油
洞爺湖個環境好清靜,沿路有好多手湯同足湯免費浸。我地試晒兩個足湯:洞龍之湯, 藥師湯...雖然冇砂湯咁熱..不過唔覺唔覺都浸到紅晒..正..仲玩埋個手湯。..成個地方都好似冇乜人...食肆唔算多,好彩都搵到一間不過冇英文Menu又冇圖...當我地諗住亂叫之際,隔離既台灣夫婦主動幫我地落埋Order , 真幸運! 我地叫左個蛋包飯同咖哩飯,好好味!
3) 2 小時後到達定山溪
定山溪一帶有好多溫泉酒店,屬於比較幽靜既渡假區, 市集亦唔算好熱鬧,不過就見好多河童既蹤影。呢區都有勁熱足湯, D泉水勁到連地面同渠口都會霧出白色既煙...真真正正既溫泉!
4) 約1:30小時就返回札幌還車
日本人好早就放工,個個都需要揸車回家,沿路都要慢駛...市內只行40-50km/h..還左車Check in 埋就去埋札幌既電視塔.
住宿: 札幌 Keio Plaza Hotel