旅遊 tips:

衣: 雨褸/防水褸,冷帽,薄羽絨,防滑鞋小不了

食:
- 風景區內最好自備乾糧,不過有d位置都有野食供應.eg.粟米,泡麵,石灰飯,青瓜.
- 係溝口住就要去"小布"晚飯,經濟可靠,好味. 雖然都以辣為主,味道較濃,都可叫微辣..仲有其他唔辣既小菜..汽水可係附近超市買.
- 每晚約8:15pm全街停電,最好6:30去食飯,等停電,吹水,有電先返上樓!
- 晚飯叫左烤魚,佢地會將條魚係咁撻落地,好攪笑.

住:
- 黃龍/溝口住宿有共同點,會冇端端減價.一間用現金俾會便宜d. 一間上網減左價,領隊幫我地同老閭傾掂數俾平d.
- 住溝口地點方便,樓下有條長長既食街同小士多. 房間有wifi,尚算乾淨,係多左隻蜘蛛吊住.開水帶有小小奶白色,個人選擇自攜旅行水壺+買礦泉水.晚晚都好好訓,可能太倦了.厠所卷紙實在太孤寒,可自備或幫襯小士多 RMB4.

行:
- 國內航班delay非常普通,如果delay到影響轉機,航空公司都會安排周到.
- Air China係機場既自助機冇一部係運作正常. 雖然上網買左機票揀埋位,但實際都唔岩位.
- 如果去黃龍係有機會中高山反應, 記得嘔吐袋旁身.大大呼吸.慢慢行.
- 行九寨溝,每日由園區開行到日落. 原來行左好多路, 抵晒! 唔想行咁多路,可坐環保車上到頂,坐返車落山,揀岩景點先落車行行,有d景點可原地上車,有d要行去下個景點先有站. 車內會有景點介紹,落車前有擴播提你下個站上車既位置. 班次好密.
- 旅遊中心冇任何景點小冊子,只有行到去先有指示牌介紹.最好出發前上網或圖書館參考景點地圖.

溫馨提示:缺氧表現
渾身冇力, 頭痛頭昏, 耳鳴耳痛, 心慌氣短, 胸悶失眠, 惡心嘔吐, 食欲減退, 手足麻木,疲乏等.