2014/10/19 8C 晴..雨

行程: 九寨溝景區Y字上半部, 行左約8km

6:45am 集合,出門細細雨.行15min到九寨溝門口,領隊昨晚已經去左自助售票機買晒門票. 我地可以直接排隊入場同等環保車.好多人好擠擁呀.坐位最好揀左邊,可以望到大部份景點.

我地預計係同其他人反方向遊覽,又好彩有工作員同一個中途站落車,否則就要去到總站先可以落車.

7:45am 開始行 -> 諾日朗瀑布 ->鏡海 ->  珍珠灘瀑布

12pm 五花海休息,食乾糧 > 熊貓海瀑布 > 熊貓海 > 箭竹海瀑布 > 箭竹海

3pm 行完搭車去返諾日朗食泡麵 (RMB15), 再搭車上長海,五彩池

4pm 長海已經趕緊客落山, 行完就開始落雨. 5pm搭車落到大門口.

7pm 試新食店...點知...黑店黎既.."川味鄉村飯店"..明明叫左個豉汁丁丁肉排...黎左個辣椒雞軟骨. 到8:15pm又停電,岩岩好埋緊單. 到埋單見到牆上既相所寫既丁丁肉排真係排骨樣...仲價錢唔平喎. 老閭一來計錯錢,二來係咁狡辯話張相放大左..呢度係冇豬,用雞肉代替...blablabla......唉......收平返20蚊都冇用!! 跟本貨不對辦. 冇樣中.嬲爆!