1行9人等各人放工放學食埋飯,約11pm到機場集合,0:55am起飛.之前已打去大韓劃位,所以最遲可1.5hr前到機場做check in同寄行李.
Check in 辦妥就要離境過關,因無人列車12:00am就收工.等上機就去加下水,仲有個地方俾小朋友睇卡通片.
上機啦,A380果然d位係寬d,機前後都有條樓梯上二樓. 座位都有充電設施,自己帶條線就可以.
坐一陣就派果仁同飲品,之後派餐,同紅白酒.揀左韓式拌飯,空姐仲派左紙教我地點食.跟次序落d飯,醬,麻油,辣醬,再兜均食. 都好味不過辣左d.跟住熄燈訓覺...我就開始幫大家填入境紙...填完就差唔多著燈,準備降落.又話3.5 hr..飛左3hr 咋~~