2011/4/22 - 2011/5/9

 

紐西蘭係一個好靚,好多嘩嘩聲既旅遊地方.
1) 係海邊等小企鵝返屋企, 一個大浪就可以沖幾隻上水,一隻跟一隻行上岸,好攪笑
2) 行冰川,著晒釘鞋,jacket,腰包,冷帽,裝備十足. 過程其實好倦,行左半日,上落都幾斜,係冰上面行一D都唔易,不過好值得去!! 之後仲有免費溫泉浸,十分周到!
3) 地大又多綠油油既草,勁多綿羊同牛牛,遠望去座山, 好多一點點似米既白點, 原來成個山頭都係羊
4) 坐船去睇螢火蟲,全黑伸手不見五指,雖然隻小船搖到有d頭暈,不過好多一點點藍色成個洞都係,好靚!
5) 有一晚見到勁多星星,似係一條好大既星河,超靚,間中見到有流星,真難忘!!
6) Queenstown 個小鎮好舒服, 好靚.山頂仲有得玩Ludge+Paragliding! 可以係山頂留足一整天都唔願走.
7) 仲有好多好靚既湖景, 仲有雪山!
8) 路線清楚,唔多車, 同香港一樣右軚,自駕一流~

 

旅遊小提示:
- NZ人唔算nice, 亦唔太helpful
- 夜車冇街燈,非常黑,靠兩旁既反光柱或貓眼石.如有對頭車,切記將高燈轉去大燈.
- NZ司機開好快 >100km/h
- NZ有好多holiday park同apartment/motel, 好多都好OK,企理乾淨,唔舊,不過好多都冇wifi,價錢唔算貴,雙人房約HK$500,四人房都係HK$900-1200.上網book就OK.
- 去咁長既日數,團友醒目預多一日,驚行冰川果日會落雨,我地行程都有幾日有雨,好彩影響唔大.
- 食野大部份都係自己煮,D扒又平(HK$60有1pack3件牛扒),青口都好味. 帶定公仔麵或即食意粉,小量調味料,團友倒左少量油,又一餐豐富晚餐!好多地方偏遠,唔多食肆,自己煮會較方便!

- 我地四月去天氣都凍,記緊帶件防風防水風褸,再加羽絨,手襪冷帽.
- 全年晚上指定時間都可以見到企鵝(25-125隻)而11-12月係高峰期.

- 如果去西面既峽灣,果度勁多似蚊既 avalanche,香港果d驅蚊劑唔得,記得去info centre買支旁身.