2008/05/27 (二) 晴

Day 3 (Tour)

立山
日本阿爾卑斯山之稱既立山黑部，要坐6種登山交通工具 (立山纜車,立山高原巴士,立山無軌電車,立山索道,黑部纜車,官電無軌電車)

Around 9:00am到達信濃大町，帶左一件厚厚既大褸，預報得8度，一路坐車上山，搭過唔同種類既車，當中又徒步經過隧道，感覺到當時建築既偉大，每段隧道都好長好深。每個點都會停留一陣，打下紀念印，睇下小手信，再接駁下一班上山既車，直至上到大觀峰。

行程重點：雪之大谷
係大觀峰有間食肆，Lunch 係一盒凍既便當,食完之後就可以行出去外邊睇"雪之大谷"，兩邊既雪牆唔算太高，冇Poster影出黎咁壯觀，最高點都係得12m，全幅牆每個角落都被人塗鴉左,搵個位打個手印都好難..果度話得5度..不過太陽好猛烈..著薄薄衫都OK..我都不知不覺間曬紅左..由於佢限日開放(17/4-31/5)..所以都非常難得!

當搭巴士經雪之大谷落山既時候，發覺個景觀仲靚，真係嘩嘩聲，可能之前冇expect過，poster冇見過，一大驚喜! 好多棵擬似聖誕樹係個雪山到，山頂係大到一望無際，好似一大片舖滿雪既草原，不過係3000m係雪山上面，仲見到一大片白雲係眼前。

高崗
大約4:30返出高崗市，仲有小小時間行街，隨意係酒店附近觀光同醫肚，睇左個高崗大佛，去左食個燒肉、海鮮定食..好好味....因為夜晚團餐係酒店Buffet..應該麻麻..結果真係冇乜野食。

住宿: 高崗新大谷酒店