2008/05/29 (四) 陰晴

Day 5 (Self-Driving)

跟團車出到名古屋就離隊，到附近Walkin book明晚既住宿，10:30amToyota囉車出發。原來都幾多本地人租車，日本小姐忙住出車泊車，Check 車時發覺GPS 係日文版，好彩我地有過一次經驗都略懂控制，係唔識聽，咁就出發左!

沿路睇住個GPS + 高速道路圖行....過左5..6個 IC..(好鬼貴~2000yen) ..入去白川鄉果段路係圍住個山腳行，有D好窄.又有好多黑文文隧道..如果有旅遊巴就要單程讓車.要小心小心...Lunch 係中途休息站食..都ok..around 3hr就到白川鄉.

白川鄉
上展望台可以睇到全個白川鄉，跟住就checkin民宿大田屋，外邊有小型駐車場，有魚池流水，有花花草草，入邊有6間tatame房同飯廳，好仲意住民宿，又傳統又有home feeling..又可以同日本屋住傾下計(手語+小量英語)。趁仲未天黑，出去行市集買手信同影相，3:00後冇乜旅行團，見到小丸子look既小朋友放學，有d踩單車，見到佢地人都好relax...到6:00就返去食飯。

晚餐好好味，味噌豆腐，天婦羅，飛驒牛...我仲食左兩碗飯。食飽飽..抖抖再去白川鄉之湯浸溫泉，我地著左傳統既人字拖木屐出去...都幾難行下....:P

住宿: 大田屋