DAY 5: (京都) 鴨川 -> (大阪)櫻之宮公園 -> 大阪城 -> 難波,心齋橋,道頓堀

一早check out 前,運左d浴袍去河邊影相,好攪笑. 落返大阪去櫻之宮公園, 好似城門河咁,好多人踏單車,公園內有人BBQ,有小朋友玩波,有人野餐,玩狗,玩啤牌.....星期五d人好似唔駛返工返學咁黎左賞櫻, 好開心 ! 治住條路既方向係去大阪城, 途經好多好多既櫻花,雖然唔夠粉紅,偏白色,仍然覺得好靚, 仲有人河邊寫生, 賣雞蛋仔,魚魚餅.

大阪城唔多櫻花,反而有個桃花園.沿路有好多人街頭表演,有雜技,有口琴,有對band 拉小提琴,仲引左個黑人出去伴舞,好正,好好feel,入面仲雪糕食.

夜晚8:00前就係shopping時間,去難波買扭蛋公仔,再去心齋橋食"道樂". 食蟹間野真係好唔OK, service 極差,好冇禮貌.都係食街邊燒章魚丸仲開心,人家不知幾好服務,態度非常親切,又同我地講廣東話. 之後仲食多個"四天王"拉麵,人家夠鐘關門都冇問題,照order照食.