2008/05/28 (三) 晴

Day 4 (Tour)

日本三大名園: 金沢兼六園

似香港公園，有園林，水泉，小橋流水..不過係日本Style。我地用左最快既速度行左大半就離開，吸引我既返而係公園外邊有D小攤檔..又有導遊話好好味既綠茶雪糕。

行程重點: 世界文化遺產 - 白川鄉合掌村

我地有3個小時逗留白川鄉，連自費午餐。一落車就去左囉地圖，如果要行晒3小時應該唔夠，好彩我地Day5會自由行多一日，所以團友一去到就一窩蜂自費左200yen@，坐車上展望台，每班車要等20mins，所以我地就留係山下面行多D地方先。

眼見除左好獨特既合掌屋，出名既仲有飛驒牛串燒 (400yen一串四粒)，超好食...五平餅..(200yen一條)...唔係咁好食..守護神公仔-Sarubobo 莎露寶寶，紅色代表家庭..藍色代表事業學業..金色代表財運......。我地都自費參觀左一間有3層既和田家(300yen,所有入場費都係劃一,要黎修葺用途,我都覺得好值得俾既..)

我地一直行，就差唔多去到展望台既山腳，仲見到我地book左既民宿，之後就夠鐘要返轉頭啦，行左未夠2/3，仲未食Lunch，臨上車唯有每人食多3串牛頂住先，好味...食完先覺得好貴..><

跟住坐返3小時車落名古屋Dinner!

住宿: J-Hotel Rinku