Day 3: 土樓民俗文化村 > 承啟樓 > 塔下村 > 下坡村 > 田螺坑村 > 書洋鎮 > 漳州市 
--

中午在民俗文化村大門包了一架麵包車，140 大元………

其實文化村大門有前往塔下 及 田螺坑等地的公車經過，但班次極到疏落，

而去書洋鎮 或 漳州方向的則較多車次﹔另外當地亦有大量的摩托車通街招客，不愁無車坐。

--

首先到承啟樓 (國寶)，由於同振成樓格局差不多，所以只在外邊影相，放棄入內，省回門票。

駛入支路，到塔下村參觀德遠堂及裕德樓，堂外的石碑群影相唔錯，樓外的小河亦好寫意。

再前走就到下坡村，參觀裕昌樓，樓內東倒西歪，好奇妙，亦富有原始風味。門票 5 元。

最後到田螺坑土樓群 (國寶)，不論從山腳或是從山頂觀景台欣賞，配合周圍環境，

布局真係幾靚……….good view。門票 20 元。

離開田螺坑後便會到達書洋鎮，即接回大路，這裡交通較方便，有公車可返永定或前往漳州廈門等地。

--

我們上了一架前往廈門的中巴，打算在漳州落車，車票40元(新春價)。

已經夜晚，周圍黑漆漆，認唔到路，此時司機突然間大叫……漳州落車喇!!!!!

吓!!!!! 呢到邊到黎架 ??咩地方呀 ????? 落左車見到不遠處有個巴士站既物體，

行過去，好彩睇到有巴士去漳州市中心，唔駛諗…….go!!

去到市中心，搵酒店，安頓好，食埋野，行夜街…….一天就過去了。