Day 3: 鳳凰古城

午夜好夢正甜，外面突然轟隆大響，炸醒左……..

Feel 到外面正狂風暴雨，可怕的冷峰終於到了，

心想幸好正身處鳳凰古城，如果換轉係張家界山上，恐怕都幾難受…..

笑笑口，蕪蕪湖湖地又昏頭大睡去了。 

今朝本來約左大家八點食早餐，之後再一齊去古城周圍行下，

但一起身，見到出面還是下著雨，仲好鬼凍，都係繼續訓覺^^

十點才起身，之後再會合Gary佢地。冷峰過後，天氣真係凍左好多，

昨天還是著短袖衫，今日已經要披上冬裝大褸，so cold ~~~

食個早餐暖暖肚子，之後就漫無目的咁係古城周圍遊蕩。

雨終於停了，我們沿沱江邊走，一邊行，一邊睇，一邊影相……

其實鳳凰古城地方不是太大，不過古城還不斷擴展中，

相信之後會有更多新的旅館客棧建成。

我們不斷在虹橋與跳跳橋之間來往穿梭，取景拍照，

個人覺得這兩處地方就係古城的focus所在。 

午飯後，再到跳跳橋，玩下民族服裝造型照，頓時成為了全場焦點…哈哈!!

之後再向鳳凰大橋果邊行去，返回我們昨天落車的地方 – 南華門，

旁邊有一個山頭，行上去，可以俯瞰整個鳳凰古城，相當不錯；

大家係南華門上玩了一輪，路過旁邊一個公園，見有當地群眾在集體跳舞，

還播放著勁歌伴奏，我們一時興起，也加入了他們的行列，混入其中，

手舞足蹈，雖然唔知自己係到跳乜，但好搞笑，仲可以出身汗 ^^ 

好快又到夜晚，返到古城，周圍物色當地的旅行社睇睇有無local團好玩，

經過多輪的討論、研究 and 講價，最後以每人60元既代價，

報名參加了明天出發的 “神龍谷．苗寨” 一天團，

順便book定架車，待後天返回張家界之用；

同時亦係時候與張家界的肖老師通個電話，打過招呼，book定床位。

往後幾天的行程安排妥當後，可以輕輕鬆鬆去食dinner了；

今晚去了虹橋邊的一間酒家吃晚飯，味道幾好，又平!!

七餸一湯，8個人攤分都係每人12大元…….無得頂。 

食完飯，自由活動，各自各精彩，例牌都係去沱江邊散下步。

明天要早起，天氣又凍凍地，都係早少少回客棧休息吧。

PS. 返到客棧無耐，外面就突然落大雨，好彩啫…. 呵呵 ^^