Day 5: 鳳凰古城 > 吉首市 > 芙蓉鎮 > 張家界市

今日天氣開始好轉，有太陽了，不過仍然很凍…….

執好行裝，吃過早餐，到旅行社門外等候包車，起程前往張家界市。

車子是一架貨van，昨天的導遊姐姐 & 媽媽亦話要跟車去張家界市喎，

坐順風車，無所謂啦，多兩個人，坐逼少少啫…..>.<

沿路她們都很識做，不斷向我們講述有關湘西的歷史趣事….。

車子唔知有咩問題，去到吉首市之前竟然停低左唔行得….>0< shit!!!!

搞左一輪，好彩又行得返，沒有怎樣拖誤行程。

今次再黎到吉首，也是作短暫既停留，就係去廁所……!! 

由吉首往張家界途中，會經過芙蓉鎮。

芙蓉鎮原名王村，是一座有兩千年歷史的古鎮，人口主要為土家族。

由於著名電影《芙蓉鎮》全部外景均於此拍攝，因而為世人所知，

並逐漸以「芙蓉鎮」一名取代原來的名稱。

不過，芙蓉鎮其實不大，基本上只有一條街，全街都是買野既商舖，

稍為出名既就係去試下劉曉慶的招牌豆腐，口感都ok啦。

行街暢遊途中見到有當地村民發生激烈口角，繼而動武，

你一拳時我一掌，相當精彩。

一場黎到，順便食埋午餐先走吧。 

繼續開車，大約五點就返到張家界市了。

係市中心兜左好耐，終於搵到間岩心水既酒店，

叫良苑酒店，120蚊一晚標間，可以接受。

與導遊姐姐道別後，我們就回酒店休息一下先，待晚上再出動。 

今晚dinner，大家都無咩idea食乜，唯有周圍睇下啦，順便可以逛下街。

我們穿過最熱鬧既解放路，再轉入天門路，終於發現了夜市大排檔，

一於就係呢到食啦…..這裡好似乜都有得食，各山珍海味掛到成行成市；

我們當然對呢d野興趣不大啦，一樣係照舊六餸一湯，唔夠再加……..。

又飲又食，最後，200大元埋單，全個旅程最豪既一餐~~!!! 

食飽後決定步行返酒店，順便shopping，買下水果，

返酒店慢慢享用，講真，幾日都無食過水果了。

明天就要上山苦行，今晚要好好準備一下，好好享受一番。