Day 8: 張家界國家森林公園 (袁家界景區、天子山景區、楊家界景區)

在森林公園的最後一天…..

今朝終於肯起身睇日出，但今日多雲，輪到太陽唔肯現身，無計……!!

經過昨天長期處於饑餓既經歷，今日大家吃早餐時都特別努力，不斷喪搶曼頭食，

食完再添，添完再食，好似成班餓鬼成世未食過曼頭咁，嚇親肖太太@@ 

今日行程緊密，首先會再到袁家界景區，繼續走前天未走完的路；

包括有迷魂台、乾坤一柱、雙龜天遊、天下第一橋及百丈絕壁等景點，

係天下第一橋附近會有絕色美人表演唱山歌，還可以點唱呢。 

之後搭環保車往天子山景區的賀龍公園，這裡是一般旅行團的常規行程景點，

所以人山人海，非常擠擁，見到咁既情況我們都無mood去慢慢欣賞各個景點，

只是隨處拍拍照，總算到此一遊啦……..哈哈，景點包括:

御筆峰、仙女散花、天子閣、一指破天、武士馴馬、賀龍將軍像、雲青岩及西海等。

由賀龍公園再步行往神堂灣，遊覽石船出海、點將台等景點…..。 

下午，搭環保車去楊家界景區，到步後先食個lunch，食飽飯充滿氣力後，

再挑戰楊家界的烏龍寨，面對數百級的樓梯……無難度!!!

最後再跨過鐵索橋，爬上畢直的鐵梯，登上天波府，

這是一個天然懸空的眺望台，有如世界的盡頭，

登臨其中，回顧四周，可遠眺周圍的奇山異峰及斷壁殘垣，氣勢不凡。 

由於時間不足，最後我們都無緣到一步登天及空中走廊等景點遊覽，

雖然有少許失望，但我們呢三天已經走了很多的路，都夠晒皮了……非常滿足!!

回程時，在馬路邊等車返肖老師家，發生了一件小插曲，

排隊上車時，我們多次被國內同胞插隊打尖，因而與他們發生了身體上的衝突及激烈口角，

上車後更繼續大聲互相問候，幾乎想要大打出手……真係豈有此理!!!!!!!!

但為免肖老師再一次陷入尷尬局面，好…….我們決定…算吧 ~~  谷火中

返到肖老師家，立即收拾細軟，我們要離開了。

搭環保巴士直驅百龍天梯上站，肖老師亦送到我們呢到為止，

要同肖老師告別了，突然有點不捨的感覺，亦覺得有點不好意思，

握握手，擁抱一番，我們呢班又麻煩、又經常生事既大細路要走了，

再見喇，肖老師 & 楊老師 !!!!!! 

臨走前肖老師回望一笑，相信這幾天都會給他留下一個歡悅的回憶^^

當初設計行程時，我們是無計劃搭百龍天梯的，一來覺得貴，

二來覺得身為背囊友，應該用自己的雙腳去走自己的路，

搭這類觀光電梯簡直是背囊友的恥辱!!!!!! 果然是好大的口氣啊，

但今次因為趕時間，無法啦….….”委屈” 一次咁多啦……..呵呵^^

但其實心入面都不知幾想試下呢樣玩意，話晒佢都係全世界最長既室外電梯喎!!!

只需兩分零鐘既時間，我們就從山上返回人間，再見了……張家界~~

步出電梯，立即跑到環保車站，剛剛好趕上最後一班開往景區大門的專車。

車子沿途會經過水繞四門、十里畫廊及索溪谷等景點……..

最後到達森林公園的另一邊出口: 武陵源。 

我們從武陵源轉公交車返張家界市，車程個半小時左右。

到張家界市，已經天黑了，首先返去良苑酒店攞火車票，

o….shit….點解會係4個軟臥，4個硬臥架?? 即係要分開訓??

算啦，到時上車睇下有無得補票啦 @@

今晚呢間酒店full左，唯有要搵過第二間，搵左好耐，先搵到間平價酒店，

酒店房間的設備基本上都ok，不過唔知點解就係個廁所特別多defect，

廁所板......爛的；廁所門......假的；冷熱水提示......相反的!!

不過算啦，訓一晚啫 *_*!!

苦行左三天，相信大家都很疲勞。安頓後，求其在酒店樓下的餐館食個晚飯，

今晚早少少返酒店，要好好梳洗一番，好好訓一個大覺^^