Day 9: 張家界市 > 廣州

昨晚大家都協議好，今朝訓到十點起身….。

收拾好行裝，已經差不多十一點，又求其咁去左隔離街一間餐館食飯。

今日我們要搭下午四點既火車離開，距離而家仲有三個零鐘，去邊好呢??

最後我們商議好，決定搵個地方遠觀天門山吧。詢問了餐館服務員姐姐的意見，

她說: 先打的到機場路的天門中學，再走到隔離的無味飯店，

飯店後的山頭上會有個天門山觀景台咁話……..好，照做!!

我們分了兩部的士，共花了四十元順利到達無味飯店，

但原來果個所謂觀景台，其實是一塊爛地@@

不過無所謂啦，清晰見到天門山就可以了，總算沒有被騙.....

而爛地上亦佈滿很多大大小小的水氹，

水氹裡有很多大群活潑的小蝌蚪及小青蛙，噢!! 好得意，意外收穫啊!! 

離開時，係路邊截左架麵包車返酒店，一口氣坐晒八個人都係十蚊雞only，超抵呀!!

太過開心，得意忘形，無留意車外環境，

途中慘被路邊洗車的水炮擊中，來不及關窗，

水柱直入車廂，仲要左右夾擊，頓時全數中招，無一幸免，只聞慘叫聲......哈 @.@!!!!!!

返到酒店樓下，先到超市shopping，準備坐火車時的餐飲零食。

返酒店取回行李，我們再分兩架的士返火車站，

到火車站時三點半，不遲不早，時間岩岩好。

於火車站廣場前再影張大合照，行程就進入尾聲了，

輕輕鬆鬆走上月台，見到對面月台有架舊式綠皮火車，

當然唔會放過好機會啦，又是一輪狂攝….hehe^^ 

火車準時緩緩開出，駛離月台，湖南湘西，再見喇!!

好不幸，我們仍是補不了票，最後都係要分開兩group人訓………

不過見到車窗外圓圓的咸蛋黃，一個美麗的日落景色，心情都舒暢好多。

晚上，當然又是uno決戰既時候，今屆 uno王終於順利誕生….哈哈!!

火車關燈了，但今晚心情特別複雜，訓唔著，就一個人坐在走廊上，

呆望窗外的點點夜色，直至火車離開衡陽站，才慢慢進入夢鄉…….。

Day 10: 廣州 > 深圳 > 香港

今早起身，火車已經到達韶關站，即意味我們已經進入了廣東省。

八點鐘，火車駛進廣州站月台………到站落車喇。

落車後隨即到售票處買往深圳的火車票，點知火車剛剛開出，

下一班又要苦等兩個小時，倒不如搭地鐵去廣州東站，果邊班次較頻密。

最後我們趕上了0830am由廣州東站開出的特快子彈頭火車，

終於可以一嘗新列車的速度了。新列車車廂環境不錯，ok舒適乾淨，

速度最高每小時一百六十公里，只須四十五分鐘就到達深圳，果然不錯。 

返到羅湖商城，飲返個早茶，慶祝我們這個十天之旅順利完成，

而今次既鳳凰張家界．復活之旅到此亦圓滿結束….^^