Day 5: 大東海 > 三亞 > 深圳 > 香港
今早本來打算去茶樓飲個早茶,再到旅館泳池游個靚水,
點知.......又係敵唔過睡魔,又瞓到十一點......
無所謂,話晒自由行 ma,行程彈性又隨意,一於即興轉場去大東海果邊玩玩!!
經過昨天教訓,今次決定守候穿梭亞龍灣與天涯海角之間的旅遊景區專線,
這專線途中會經三亞灣、市中心 & 大東海,基本上已把三亞的景點串連好,
真係超級方便舒適,比民工巴士都係貴兩三蚊,超值!!!
話咁快就到大東海,可能天氣熱,太陽又猛烈的關係,
街上路人幾丁,間唔中只有幾個老外路過 ,百貨商場裡更只是清一色全場係職員!!
又求其咁周圍搵間酒店入住半天,最後去左南中國酒店,原來是四星級的,
從房間望向整個大東海,嘩了一聲,個海真係藍到不得了^0^
急不及待走到長長的海灣,坐在海邊的椰林雅座,嘆個 tea,
一邊吹個海風,一邊聊聊天,一邊睇睇三點色弄潮,簡直係梳乎^^
嘆完 tea,再到酒店的泳池嬉水暢泳一番,一樂也;
晚上再細細享受那豐富的海鮮自助晚餐,very good ,超滿足!!!!!
今晚坐 0955pm 機返深圳,不過都預左佢又會 delay,
所以搞到九點才施施然咁打的去三亞鳳凰機場。
由大東海去鳳凰機場,車程約半小時,打錶剛好 $40。
個機場好搞笑,有兩個好大既菠蘿.....仲會發光的......哈哈!!
不出所料,班機又 delay 左成個鐘,1100pm 先飛zzzzzz
返到深圳已經十二點半,與另外兩個同機的香港人一起打的返皇崗.........
優閒享受的一天.........