Day 1:  香港   >  澳門 > 三盞燈 > 消防博物館 > 西洋墳場 > 圖書館 > 塔石廣場 > 荷蘭園 > 漁人碼頭

今次玩即興，出發前一個星期先請假，再到中旅社買套票；

之前幾次去澳門都係住新口岸呢邊既酒店，今次就決定玩下新意思，

試下住位於新橋區三盞燈附近的富華酒店，

這邊是舊區，附近一帶多特色小店之如，價錢又平d，又無咁嘈雜………. 

受颱風聖帕殘餘環流影響，呢幾日天氣不穩，下大雨，心理都有點鬱悶。

出發了，今次我們竟然比預定上船時間早半小時到港澳碼頭………奇蹟!!!

我們乘搭何生既嗊射飛航，船準時1115am開出，直奔澳門，

去到珠江口一帶又遇上大雨，唉 >.<

經過一小時航程，終於再踏上澳門這個地方，感覺又似熟悉，又似陌生；

而雨亦停了，還有少許陽光………yeah!! 

出碼頭第一件事就係去旅遊局拎返份澳門旅遊地圖，免費的，抵讚 ^^

酒店套票本來是包免費專車接送，但我們搵了良久都沒有發現酒店專車，

心想呢間三星平價酒店，就算有專車都唔知幾時先會開一班，

算了，自己搭巴士好過。

在巴士站諗住買張澳門既八達通玩下，點知竟然話無得買，

個職員仲問我們是遊客定係澳門人，如果是澳門人就可以幫我們搭路買云云，咁都得??!!!!!!

最後都係要用身上僅餘既港幣搭巴士，順利到達酒店。 

酒店門口比較隱蔽，去到櫃台立即攞房，首先給我們一間大床房，14樓的，

開門一睇，嘩……..天啊!!! 房間細得很呀，only百零呎，屈蛇咩!!!!!

立即要求轉房，之後再給一間位於18樓既標準房，不過上到去原來房間正搞緊衛生中，又要等……….

最後櫃台員都識做，再分發另外一間標間，更上一層樓，在19樓的，好囉……終於可以安頓了。 

在酒店休息一陣，順便睇睇攻略，plan plan 行程。

第一站出發去隔離既三盞燈食午餐，三盞燈本身無咩特色，就只有一支燈，

不過這裡勝在多餐室，多野食，初時諗住試下嚮負盛名的豬腦麵，

點知見到佢個樣又頓時無咩胃口，最後都係叫碗至愛既雲吞麵算了…….呵呵!!! 

食飽飽，有力行，沿著縱橫交錯既橫街，慢慢去體會一下澳門老區的氣色。

順路去到消防博物館，免門票，入去睇睇展品都無防。

之後再慢慢行去隔離既西洋墳場，這裡是電視劇習拍外景的熱滿地方，

參觀墳場中央的教堂期間，遇上了幾副先人骸骨整齊的排排躺在地上，

看似正在享受日光浴中………噢>0< 唔好意思，打憂晒啊 !!!

話晒正值七月節，急急腳離開墳場，前往人氣較多既圖書館嘆嘆冷氣，又可以坐低睇下雜誌 ^^ 

不知不覺又坐到天黑，見到出面塔石廣場好似有文藝活動搞緊，於是又出去趁下熱鬧；

隨意畫了幾張藝術傑作，肚仔都開始有點餓，去了荷蘭園附近的一間餐館食麵。

食完野，諗住去賭場走一轉，見識一下，但見時間有點晚，又有點眼訓，

都係明天有時間再去吧，於是就搭巴士直接前往漁人碼頭。

出發前，在網上的遊記中，很多人都見議夜晚先好去漁人碼頭，

因為無咁多人之如，晚上漁人碼頭的夜色比白天更美咁話；

所以我們今次都是專程晚上到訪，這裡夜景的確美麗，晚上走起路來又無咁熱，

至於白天有咩感覺，我們今次就無從比較了~~~~~~ 

1000pm，行左大半天，加上昨晚又唔多夠訓，都係時候返酒店休息了，

回程搭巴士，剛巧遇上晚上時段的放工潮，巴士異常擠擁……..迫爆!!!!!!