Day 1     25/12/2007     天晴 (14^oC - 19^oC)

行程： 香港 > 深圳 > 濟南市 

終於出發喇 !!!
由於琳琳有重任在身，所以不能跟大伙兒出發，青島見啦^^
中午十二點，其餘人馬準時到達深圳灣口岸，過關非常暢順。
見有時間，放棄了打的既殘念，試下搭機場大巴；
8號大巴，深圳灣 > 寶安機場，每位$15，沿途經蛇口及南山區等地，車程約45分鐘。

到達機場，辦好登機手續，再四周圍睇下有無野食先.......因為未食飯架!!
去到機場呢d地方，點菜前一定要睇清楚價格表，嘩!! 四十幾蚊一碗雲吞麵........閃 !!!
最後都係去返穩穩陣陣既大家樂落腳。

我們乘搭山東航空SC1186直飛濟南市，飛機2:45pm 起飛。機票︰510元 + 150元 (機場建設費+燃油附加費)
入到候機大堂登機閘，見有張 A4size 既紙貼在櫃台上，
寫住 "由於天氣欠佳關係，飛機將會延誤至 3:30pm 起飛"，
這都是意料之內，其實有得飛都已屬萬幸，遲到好過無到ma，隔離閘飛南京果班就無咁好彩，玩突然取消>.<
仲要等差不多成粒鐘，唯有周圍影下相，去附近書店睇睇書打發一下時間啦!!

上機了 ~ ~  好Happy ^^
飛機 4:00pm 起飛.............都唔係遲左好多啫；
機上不是太多乘客，除了機頭比較擠迫之外，機尾部份你想坐邊都得。

航程大約兩個半小時，飛抵濟南市上空，天已黑齊了，
從飛機窗戶向下望，什麼街燈車燈也看不到，原來是霧太大啊。
飛機降落了，大量乘客早就離開座位提取行李準備要搶住落機，
最後要勞煩幾位靚靚空中姐姐從機尾殺出不斷大聲喝令坐低，機艙秩序才得以控制。
步出機艙，那般北方寒氣真係無得頂@.@
大部份乘客第一時間衝到廁所，有衫加衫，有褲加褲，廁所頓時變成了更衣室.........so ~~
變好身後，又要第一時間趕去搭機場大巴，免得又送車尾，等餐飽又要食西北風。
好好彩，我們剛剛填滿了巴士最後的幾個座位，每位20大元。
巴士開出了，沿路街燈昏暗，周圍黑漆漆的，都唔知去緊什麼地方，不過應該正向住濟南市中心進發吧 !
巴士總站設於 XXX 大酒店，即係長途汽車站斜對面 (走果日先知~.~)
由於大袋細袋行動不便，又無地圖係身，
就求其搵左兩架的士，叫司機車我們去出發前已預訂好既7天連鎖酒店，
三十蚊車資，五分鐘車程：唉.......可憐的七隻小羊古 >.<

到達酒店，157元/標間。安頓好，轉頭立即出街覓食；
第一時間去報紙檔買份地圖，終於可以重新確定自己位置，迷迷茫茫的感覺一掃而空。
我們從街頭行到街尾，由街尾行到街角，來來回回，發覺無淡好食，
最後去了一間較為吸引d既連鎖食店 "李生牛肉麵店" 食拉麵，
味道都ok，還試了一個唔知咩鬼雞，招牌菜也，不過忘記了餸名*.*

填滿肚子，已經九點多，雖然今晚是聖誕夜，但市面只有丁點耶誕氣氛；
街上的商店陸續關門，行人亦越來越少，寒風吹吹，份外冷清............
見無乜地方行，都係早d返酒店休息一下，沖個熱水涼嘆下先啦!!

聖誕夜特備節目...........
準備上床訓覺之際，Irene 突然發現........銀包不見了，裡面有証件等重要東西!!!
shit !! 你講真的嗎 ???????????
本來是平和舒暢的心情，突然變得血壓心跳提升++
第一時間先反轉房間，之後再出街外搜索我們剛才食dinner時走過的路，包括李生麵店；
而路邊所有的垃圾堆 & 垃圾桶都不能放過!!!
雖然很積極地找，但心裡其實已作好最壞打算；
絕望地回到酒店房間，作最後一次象徵式的尋覓........哈!! 唉 !!! 不用吹灰之力 !!!!!!!
原來銀包，只給大背囊壓住了，今個聖誕夜真快樂~~~~~~~~ 

Main  <    >  Day 2  >  Day 3  >  Day 4  >  Day 5  >  Day 6  >  Day 7  >  Day 8 

 << Previous ． Next >>