Day 2     26/12/2007     薄霧 (0^oC - 5^oC)

行程： 濟南市 (泉城廣場、環城公園、大明湖) > 泰安市

 原本我們沒有打算來濟南的，但離泰山最近的機場就位於濟南，便順道花半天一遊啦。
今早氣溫真係涼快，幸好還有絲絲溫和的陽光，帶來些少暖意^^
看看地圖，我們下榻的7天連鎖酒店位於經二路，附近是西市場，離濟南火車站不遠；
昨晚吃過李生麵店，今早就試下馬記粥舖，晨早食碗粥，開心又滿足^^

提到濟南，第一樣諗起就是大明湖，一於就去果到轉過圈啦。
走到對面的公車站搵車搭，見到站旁有個廣告版：中國大電影__集結號，片中男主角你認得他是誰嗎*.*
公車埋站了，濟南市市民仍抱住祖國同胞的一貫作風，齊心地一蝸蜂湧到車門，
這個情況之下，猛虎都不及地頭蟲，我們當然選擇做殿後啦。

「泉城廣場，到喇，請落車的乘客準備。」
泉城廣場離大明湖不遠，不如落車睇睇啦.........
古書寫到：濟南府泉水眾多，家家泉水，戶戶垂柳，所以有 "泉城 "之稱咁話。
城內分佈著趵突泉、黑虎泉、五龍泉、珍珠泉等四大泉群，譽稱72名泉。

~ 薄霧下的泉城廣場 ~

~ 廣場上的濟南老百姓 ~

~ 一群熱血的濟南青年男女，旁邊還有很多人在放鴿子 ~

政府宣傳口號：「不要接觸及餵飼野生禽鳥!!」
~ 一班勇士 ~

離開禽流感高危地，橫過大馬路，前往位列濟南72名泉之首的 " 趵突泉 "；
去到景區大門，看看門票價格，嘩!! 40大元一位..........放棄!!!

繼續沿趵突泉路前行，飽覽濟南市街景；
途中會路經依大馬路旁而建的環城公園。

~ 前往大明湖途中 ~

大明湖，由城內眾泉水匯流而成，湖邊楊柳垂岸；
一條主路繞湖一周，沿途修建樓閣、遊樂場、遊船碼頭等...........
門票： 30元

~ 薄霧下．如詩如畫的大明湖 ~

~ 溫馨浪漫的大明湖 ~

~ 我們好似未食 Lunch 喎 !!! ~

~ 繼續環湖 ~

~ 夕陽西下，是時候離開了 ~

不知不覺原來已經四點，時間不早了，準備要搭車去下一站 ~~~ 泰安市。
搭公車返酒店取回行李，途中巴士與一輛單車發生碰撞，shit 啦!!! 見還有兩個站就到，不等喇，行返去啦 >.<
回到酒店，取回行李，與酒店經理寒暄幾句，便打的到長途汽車站。
車資：多謝 10元.........吓!!!!!!  我們黎既時候，好似要.........唉!!! 又勾起傷心事 @.@
大巴，濟南 > 泰安，車費 22元，車程約 90 分鐘；
由於巴士流水式發車，我們購車票後立即跑到站內既 KFC，買d野食上車吃，填填空了大半天的肚子。
巴士於七點多到達泰安市，步出車站，一群叔叔嬸嬸又衝著我們而來，
不斷問我們是否要登泰山，又話可以立即上車，車我們上山云云 ~~~~
心諗：我們才剛剛到步，天又凍又黑，唔好玩啦 !!
衝出重圍，在附近找到一間酒店．叫北冰洋酒店．真係認景......cold ~.~
經過一輪講價，70元一間標間，殺你 !!
又係時候出街搵食，順便逛逛附近既步行街。

搵野食，絕對是一個好艱辛既任務..........
終於搵到間食雲南過期米線的麵店，突然又回想起去年聖誕在雲南的日子^^  
今天是 Gary 牛一，一於整返支泰山啤酒啤啤佢........飲勝 !!!!!!!

食飽飽，再到街邊選購水果，最後買了一個蜜柚即食，
係天寒地凍之下咬住一個超酸無比既東西，感覺一流，難以形容 *.*
睇到氣象台預測，明天將會有一股冷空氣橫過泰安市，到時天氣可能會轉壞；
唔係掛 !! 有無咁啱呀 !!! 明天我們要登泰山喎 !!!!
 

Main  <  Day 1  <    >  Day 3  >  Day 4  >  Day 5  >  Day 6  >  Day 7  >  Day 8  

<< Previous ． Next >>