Day 4     3/8/2013     天晴

行程： 拉薩 (大昭寺、八廓街、市內shopping)

10:30am，今朝自然醒......早晨呀拉薩、早晨啊各位團友~~~~深深吸一口聖城的高原空氣...*.*
可能連日坐咗幾十個鐘頭火車，昨晚出奇地好訓，
並沒有遇到網上其他遊記所講在拉薩的第一晚會出現頭爆肉裂作嘔作悶等情況，總算還得神落^^
原來其他團友都係剛剛起身無耐，大家慢慢梳洗整理一番，約好了1:00pm在一樓走廊集合.......


**********************************************************************************************

~~~ 一個陽光明媚的早上，一個藍得發亮的天空.......拉薩，我回來了~~!!! ~~~

**********************************************************************************************

我們一行8人終於都聚首一堂，大家一齊食番餐慶祝下先啦!!!
在海拔3,600多米的高度訓咗一晚，睇黎精神狀態都幾好，大家只有少許頭痛頭赤赤.....>.<
即刻啪番粒當地買的高原安藥丸仔便可以減輕症狀；
為了讓身體減少負擔以盡早適應高原環境，我們決定今餐簡簡單單每人食個湯麵再加碟小菜水餃share算 lol^^~~~


**********************************************************************************************

今日是高度適應日，所以沒有安排太多行程；
不如就近近地參觀離旅館只有10分鐘左右步程、位於拉薩老城區中心的大昭寺啦........門票每人85元人仔 ~~~

**********************************************************************************************

2:30pm，來到大昭寺正門前的廣場~~~~
大昭寺，始建於公元647年，是當時的吐蕃藏王松贊干布為紀念迎娶唐朝的文成公主入藏而建..........
而寺內中心最深處的釋迦牟尼佛殿就供奉著由文成公主從長安城請來的釋迦牟尼十二歲等身像，正是鎮寺之寶。



**********************************************************************************************

~~~ 睇到大量香客及朝拜者在門口禮拜磕長頭，就知大昭寺在拉薩人心目中的地位之高 ~~~


**********************************************************************************************

~~~ 進入寺內，空氣中彌漫著酥油香氣，寺內各種珍貴文物、木雕、壁畫都精美絕倫 ~~~


**********************************************************************************************

正值8月旺季，寺內遊客比較多，尤其是大班大班的旅行團 >.<
既然不能避免，不如索性跟隨其導遊一齊行，可以免費聽下故仔......:p



**********************************************************************************************

~~~ 寺裡室內人多，爬上屋頂吸下新鮮空氣曬曬太陽先 ~~~


**********************************************************************************************

~~~ 大昭寺之金頂，在高原藍天下顯得更加輝煌 ~~~



**********************************************************************************************

~~~ 從大昭寺屋頂眺望，右邊遠處山上的就是布達拉宮了 ~~~



**********************************************************************************************

“去拉薩沒去大昭寺就等於沒去拉薩”，這是大昭寺著名喇嘛 -- 尼瑪次仁的話..........
Give me 5 ~~我地終於去過拉薩喇^^  yeah 哈哈~~~!!!

**********************************************************************************************

黎得大昭寺，點可以唔去埋環繞大昭寺外圍一圈的八廓街呢又 ^^~~~~


**********************************************************************************************

八廓街是藏人心中一條最重要的轉經道；
每天傍晚時段，各式各樣的朝聖信徒，似突然收到一個無聲的命令，從四面八方來到八廓街按順時針方向行圈 ~~~




**********************************************************************************************

八廓街保留了拉薩老城的原有風貌；
街道由手工打磨的石塊舖成，沿街保留有老式藏房建築及買手工藝紀念品的店舖；
不過以前在街道兩旁的流動小檔攤販已經被取締了，有點可惜>.<


**********************************************************************************************

5:30pm，可能身體還未完全適應高原環境，我們只係行了3個小時，已經覺得好累，坐低食粒高原安舒緩下先；
既然大家頹頹地，不如先返旅館稍事休息，順便可以放低d相機減少負磅，之後再出動行陣街食飯啦......!!!

**********************************************************************************************

梁大人決定留在旅館小睡不外出食飯了，唔係高反發作ma??!!......有d擔心@.@
而我們一行7人就慢慢行到拉薩市最繁盛的北京路行街shopping.......
大家見到咁多平靚正的戶外用品裝備，當然忍不住啦，最開心仲要有得殺價添^^


**********************************************************************************************

7:30pm，就快天黑，搵了一間似似地樣的中式餐館食dinner；
叫了幾碟清淡小菜，7個人160元埋單。

**********************************************************************************************

食完飯又慢慢行返旅館；途中見到有生果店，買了幾條蕉，7條15元+.+；
返到旅館打開房門，見梁大人hehe哈哈鬼打咁精神，仲將帶過來的朱古力零食清晒.......原來我的擔心是多餘的吧=.= ~~~
明早我們4個男隊員會兵分兩路進行兩個重要任務：
我和Alex去布達拉宮排隊領取門票換票證、而高人及Kei就會去哲蚌寺買大後天雪頓節曬大佛的門票........今晚要早點上床訓覺la......!!!!


**********************************************************************************************

Day 5     4/8/2013     天晴

行程： 拉薩 (布達拉宮廣場、藥王山)

今朝 5:00am 起身，食條蕉當早餐，跟著5:15am就同Alex出發徒步前往布達拉宮西門~~~ *.*
聽閒布宮每日只限四千人參觀，其中超過一半門票會配發給旅行團，其他散客就先到先得，祝君好運喇 >.<
5:45am 來到布宮西門，嘩~~唔係ma~~!! 眼見起碼有過千人排緊隊...駛唔駛咁瘋狂呀!!!!....shit @.@
以每個人可預訂4張票計，我地今次根本無可能會訂到票喎，點算好呢、唔通要空手而回?? 勁失望呀，走唔走好呢??
這時候有個警員在count人數，告訴我們在隊尾的沒有太大希望了....心情即時直插谷底@.@
唉!! 一場來到，決定一於磨爛蓆，照排隊繼續等，等待會有奇蹟出現；
不過而家離賣票時間尚有個多小時，又凍又累又眼訓.......好慘啊>.<

**********************************************************************************************

由於布宮門票於旺季出現一票難求，也就催生了很多排隊黨及黃牛黨出來搵食@.@
曾經就有幾個排隊黨黨員走來不繼遊說，花200元就可以賣個排較前的位置給我們，我們起初思想上曾有掙扎，但最後仍不為所動；
點知那些排隊黨越來越過份，不斷在前排位置加人，好多正常排緊隊的遊客開始睇唔過眼，人群中頓時出現幾陣騷動!!!
結果驚動了剛剛到場身穿迷彩制服的維穩部隊，把幫親排隊黨買位插隊的遊客逐一捉拿驅逐，真的賠了夫人又折兵lo 呵呵~~!!!
公義終於得到申張，大家都歡呼喝采，大快人心呀^^......!!


**********************************************************************************************

太陽出來了，終於都無咁凍喇*.*^^....奇蹟亦隨之而來!!!!
唔知什麼原因，明日布宮門票的配額突然加推，
排在隊尾的我們與好幾位在我們後面一齊堅持到最後的遊客都有份啊......勁興奮啦今次，堅持終於得到回報^^
10:15am，門票換票證終於到手，我們終於完成任務，可以凱旋回歸喇~~~~yeah!!!
布宮戰線到此報告完畢；至於在另一邊哲蚌寺的兩位隊員就比較soft，無需排隊、包架的士點對點上車落車買完票原車即閃~~~~



**********************************************************************************************

足足捱了4個半小時，排到腳仔都軟埋呀陰公 >.<
諗住先返旅館再會合團友出來食個早餐，途中竟然遇到團友們已在路口一間餐館準備叫餐食野~~~~Good，可以慳番幾步路 ^^
布宮換票證及哲蚌寺曬大佛門票都順利得手，每人整個牛肉麵加多塊煎雞蛋賀一賀佢先啦....哈~~!!!

**********************************************************************************************

真係好眼訓腳又累，我和Alex決定回旅館小睡一刻補充真氣；
而其他女團友趁有空檔時間就外出逛逛，買了一點街頭美食及新鮮出爐香噴噴的蛋糕返來享用慰勞一下大家^^

**********************************************************************************************

2:00pm，訓一陣真係好好多，開始下午行程喇^^
今日都係去一d輕輕鬆鬆市區內的景點行行走走，首先來到布達拉宮廣場；
廣場東面建有一個綠化區及人工湖公園，湖面平靜時可看到布宮正面的倒影啊.......


**********************************************************************************************

~~~ 布達拉宮廣場 ~~~

**********************************************************************************************

~~~ 來到拉薩的第3天，終於都有機會與西藏的地標影張大合照喇....wow ~~~


**********************************************************************************************

可能太過興奮，大家在布達拉宮前又叫又跳，好似已經唔記得咩係高反了^^
在高原烈日之下，係無遮無擋的廣場上，差不多玩了成個鐘，頭頂都曬到濃>.< ~~~!!


**********************************************************************************************

沿廣場繼續向西走，來到藥王山山腳；
在山腳處見到好多遊客攞著張50元紙幣揚下揚下，搞邊科呀~~~??!!!
回頭一望.....哦~~!! 原本如此......等我地都拎返張直版50蚊紙出黎威下先hehe ^^:p ~~~
準備登上藥王山之際，又有驚人發現：在入口處隔離竟然見到一個正在售賣哲蚌寺曬大佛門票的臨時攤位!!!!!!!
吖!! 頂 ...@#x+o~~~!!! 咁今朝高人和Kei豈不是白走一趟，仲無啦啦駛左100大元的士錢添.=.=~~~


**********************************************************************************************

從藥王山觀景台眺望布達拉宮，加上白雲朵朵，好美啊 ^^
難怪會有新人專程走上來影靚靚相啦........呃~~!! 睇真d，新娘曬到成個背心印喎@.@
~~~ 藥王山門票，每位1元 ~~~



**********************************************************************************************

5:30pm，起初諗著去得藥王山觀景台就順便去埋山後的摩崖石刻及瑪尼石堆；
可惜搵唔到路，加上撞正太陽猛烈西斜，大家又熱又累唔想再行，所以決定回航，提早打道回府食飯^^

**********************************************************************************************

我們旅館地下正正就是一間在拉薩老城區內頗為有名氣的尼泊爾餐廳 -- 娜瑪瑟德；
每天慕名來吃飯的人很多，最好要訂定位啊~~!!
這裡最出名就是尼泊爾及印度餐，味道好，連狗仔都係枱底食到唔捨得走*.*
價錢都算實惠，我們8個人埋單269大元，每人都係30蚊多^^
來到西藏當然要試下地道的酥油茶啦，有助抗衡高反.......飲勝~~!!!!



**********************************************************************************************

~~~ 食飽飽又係時候出去行街街，去超市入定d 乾糧準備後天去哲蚌寺睇曬大佛時之用 ~~~

**********************************************************************************************

行下行下搞到差唔多10:00:pm先返回旅館，好彩明天唔駛早起:p；
經過接待處見到老板，順便打探下有關後天雪頓節在哲蚌寺曬大佛的最新資料，等大家有個初部準備^^；
好，要返上房好好休息一下，今日由朝踩到黑真係累透了；明日還要挑戰布達拉宮的數百級樓梯....暈了@.@......大家早抖!!!



<<<  Day 1 - Day 3  "62小時由廣州慢慢爬上青藏高原"

>>>  Day 6  "登臨雪域高原上的明珠" 

***************************************************************************************