DAY 2 ：成都-->林芝(3000m)
林芝>派鎮>雅魯藏布江大峽谷風景區(主要景點: 南迦巴瓦峰,雅魯藏布江)
雅魯藏布江大峽谷長504.9公里﹐平均深度2800米﹐最深處達6009米﹐是世界第一大峽谷。整個峽谷地區冰川､絕壁､陡坡､泥石流和巨浪滔天的大河交錯在一起﹐環境十分惡劣。許多地區至今仍無人涉足﹐堪稱“地球上最後的秘境”﹐是地質工作少有的空白區之一。
西藏的第一天，從林芝下機後直接驅車到雅魯藏布江大峽谷風景區，第一日就到世界最大的大峽谷，心情難免興奮．從網上睇到的照片，有個很壯觀的大拐灣，唔知到時影唔影到，更加期待．
不知不覺間，我們已來到景區門口，要門票wor(呢個梗要啦,大陸嘛),多少錢? 盛惠RMB$240 + 30飯錢, 嘩......
嘩完後都要比啦, 你都來到門口囉．進入景區食過簡單的自助餐後，我們司機跟我們說景區內坐環保車，又稱區間車．呢個我都知，大陸好多景區都”流行”呢樣，有新疆喀納斯經驗，我諗都係個Ｄ者，可隨上隨落，影耐左唔坐呢班車咪坐下一班，最緊要有時間影相就ＯＫ．呢Ｄ都係個人想法．實際呢度係一齊上車．一齊落車，一齊睇風景，一齊走人，唔會比你停留得耐，我想開腳架，一邊開，另一邊已叫”快點，我們要走啦，往下一個景點”，無奈！
前後共６個景點，我沒記錯的話，不用兩小時已睇完影完玩完．
ＲＭＢ＄２７０的門票，這樣的區間車，是否值得就見仁見智，我認為你唔試過又點知呢 ：）
好喇，講返網上個張大拐灣照片，係要徒步三日先經過的，唉....算了吧...
KELVIN YU
