Sunday 08th April 2007 12:25:57 AM 今日去左太墩...... 之前聽到未聽過既地方, 係咁o岩係網站見到既一個地方, o係係北潭涌近斬竹灣附近. 去到北潭涌, 連個網站講既起點都搵唔到...... 因為個路線係兜一個圈, 所以決定由個終點開波~ 頭果個幾鐘個境完全無野睇, 係不斷既綠色綠色同綠色~~~
就係不斷咁o係呢D樹林入面行左個幾鐘, 行到有D眼瞓...... 我 feel 到再行多陣我D毛髮會開始變長, 然後就變做 apocalypto 入面果D原始野人...... http://www.fotop.net/nicolo/others/20070408_G 不過正當我不斷懷疑自己行錯路既時候, 我終於見到個海啦!!! 再行多陣, 終於見到個180度既海景啦~ 真係唔錯~ 想像到如果天氣好既話, 真係會有海天一色既感覺~ 白痴既我當然有自拍啦~ 好地方啊! 等夏天既時候有機會一定要再黎~ 不過下次記得一定要由真正既起點開始, 因為由個真正既起點上去, 去到呢個山頭其實一個鐘唔洗...... 一媽一仔一狗一家人~ 呢張白痴相其實唔想 post...... 不過呢隻 kodak 隻 160vc 室外影人D色真係幾好~ 影其他就普通D囉...... 太貴啦...... 行山流左好多汗~ 應該減左兩磅都有~ 不過行完山好肚餓, 食左個 big mac 餐~ 又肥返幾磅~ 呵呵~ |
