幾日無寫日記, 因為開始超級忙既兩個星期啦~ 星期五雖然係花展第一日, 而且陽光好好, 本應去狂影一番, 不過因為要預備星期六既評相日, 所以最後都無去到~
評相日最煩既就係要幫D相落 label, 等之後我地可以做統計, 今年因為響 dcfever 同 foto28 都出過宣傳, 所以今年參賽作品同人數都破晒紀錄喲! 成300人參加, 相就粗略估計都有千幾張~ 睇黎 canon 原本話有200人參加就會除左幾萬蚊獎品之外, 再畀$15000我地, 而家咁睇, 應該可以加碼lu~ 最後我地都搞到成10點幾先走得...... 又胃痛......
星期六一返到去就開始預備, lunch 都無食就不停咁 set 場, 不過因為有個評判遲到, 原定2點鐘開始既評相, 都遲左半個鐘~ 開始評相啦, 我係彩色組既 pic, 不停咁唱相名唱到喉都沙...... 彩色組要去到4點幾先評完~ 當然我最緊張既都係自己D相幾分啦, 不過估唔到今年D評判 style 轉左咁多, 第一名既竟然係人像!!! 唉! 以前D沙龍友都係要D風景呀花花草草咁, 今年竟然受人像! 而且黑白都係人像!!! omg...... 我最好果2張都係入圍ja...... 勁失望囉......
評完相之後就一齊去尖咀 fat angelos' 食我地既 lunch + dinner~ 勁肚餓呀! 個沙律仍然係最好食呀~ 食完之後就返屋企瞓啦, 勁攰呀!
今日起身食完野就開波做 lab report 啦, 聽日有2個 animal physiology lab report 呀! 星期三又有 plant physiology lab group report, 星期四有 hum mid-term, 星期五就 animal physiology mid-term....... 痴線架!!! 下個星期仲變態, 有3個 mid-term 等緊我...... 跳樓都無時間啦!