有驚無險, 咁又過左兩關~ 好開心呀! 兩科 mid-term 都感覺上考得幾好喲! 尋日考 hum2610 之前都好擔心, 因為始終第一次考文科既野, 好驚自己寫唔到D咩, 就算寫到, 個量都唔多, 但係最後 turn out 就係竟然可以響一個鐘之內, 一題就寫到2版野~ 可能因為始終自己對文化方面有興趣, 答題目既時候要舉例都問題不大~ 不過最後都好, 都算對得住自己~ 而尋日勁讀既 ani phy 就更有信心啦~ 因為之前已經知道Dr. Wong 會出D要思考既題目, 所以都無乜死背, 反而係盡量去明~ 果然今日出既題目幾好玩喎~ 特別係最後果條假設題, 好有創意~ 呢D先係考試架, 就算真係難到唔識, 都心甘命抵呀~
星期一就係 biodiv mid-term, 問題應該唔大~ 反而星期六既 stat mid-term 就幾擔心, 好多 concept 都好難喲, 佢D notes 又係廢既...... 要去借書啦......
呢幾日放學既時候都特登唔行平時果條路去地鐡站, 因為有一日無意中見到學校附近原來有間豪宅超超超超超超靚, 外面種左一排粉紅洋紫荊, 近排開晒花, 勁有日本既櫻花 feel~~~~ 如果我有間咁既屋, 真係日日留響屋企影相都開心死~~~ (張相手機影得唔係好靚, 實際係靚好多架~)
