Momo Big Day -- fotop.net photo sharing network

第一次見Momo時, 俾我既感覺係個楚楚可憐既小女孩, 眼大大嘴細細, 是個美人胚子, 試妝時見佢心情好緊張同擔心, o係交談過程先知道原來她早期已找了間公司的化妝師, 但就係試妝過程未做到佢心目中既造型, 基於間婚紗店係佢朋友介紹唔好意思推, 就只好答應落訂。直到婚前既一個月, 喺擔心同無奈既心情底下, 佢既好友睇到我的化妝作品, 於是叫佢黎試一試啦, 試完造型後先至見到Momo識得笑, 佢話終於放下心頭大石, 成個人都輕鬆返好開心, 佢老公仲話Momo因為擔心所以一直”冤”住, 依家搵岩左化妝師連身邊既人都會放鬆埋, 除左酒席同衣著外, 化妝對女仔黎講真係好重要既一環, 要搵到合適既化妝師, 先至令新娘子減少一部份壓力, 所以每次去做big day化妝, 我都要全力已付, 希望分擔到佢地既煩惱之餘, 又可以最靚既一面示人。