炭燒豬頸肉－味道一般，無乜驚喜。

炭燒老虎蝦－大大隻的蝦，肉好甜好新鮮，雖然個汁唔特別，但隻蝦夠大齋食唔點汁都ok，真係拍得住沙巴食一樣，正！

芝士烤包－莎莉推介，好香芝士味，點咖哩一流！

馬拉盞炒通菜－ok啦，好多泰國餐廳都炒到，食唔食都得個隻！

鹽燒鰽魚－魚皮係唔食架，我試左一啖勁鹹（人地都話鹽燒咯！），魚肉好滑無乜骨，個汁酸酸地，都食得過！

大蝦西柚泰式沙律－我鍾意食西柚，就算無蝦都得，不過由於此餸係臨尾先order，無左種開胃感覺。

Hoegaarden－夾著微絲蜜糖甜味的啤酒， 兩年前係鯉景灣一試難忘，可惜一般超市難尋，想不到這餐廳除了泰象啤之外竟然提供，實屬驚喜。

DSC_0426

南乳吊燒雞－雞肉好嫰口，南乳醬亦得香很惹味，但我想問．．．．呢個係泰國菜咩？