今次第2次入白泥,對上一次以經有1年

入到元朗諗住搭33號van...點知搵極都搵唔到(當時口中稔稔有詞,真係後悔冇做好功課)

問左幾個人都唔知邊度搭車,諗住放棄...問下涼茶舖個阿姐(冇幫襯佢),佢話對出咪有個站law!!!

一望出去...就見架van仔上緊人,wa...拿拿聲上車比銀la...........(下次先幫襯買杯火麻仁)

坐左成30min車程...係公廁落車18:45,好彩太陽仲係到...

我一支箭行過去...想跑都跑唔到,因為d泥唔係漿住哂對腳,就係要澗水...好彩我又係踢拖短褲look(無論上山下海)

hahaha...咁Q潮退,今次可以影埋蠔殼(上次影唔到)

平日都幾多人...有幾pair情侶,有一家大細,仲有耆英團...真正拍友得3,4個

影下影下.......個天黑哂,望番四週圍得我一個

本來唔捨得走住.........點知有把女人聲傳來:唔好影咁耐,今晚農曆7月14日,要走la!

我先醒起,係喎農曆7月14......拿拿臨執野走